Şaristanê Zurihî yê Swîsre de bi beşdarîya Vervatoxa Têkilîyanê Teberî ya KNKyî Nîlufere Koç panelê bi sernameyê ‘Peymana Lozanî ya 100 serre û Kurdî’ ame kerdene.
Panel Unîversîteya Zurihî de hetê serkêşîya Meclîsê Kurd yê Demokratan yê Swîsre (CDK-S) û Yewîya Cinîyanê Kurdan ya Swîsre (YJK-S) ra ameye organîzekerdiş. Wendekarê unîversîteyî û aktîvîstê Komîteya Zurihî ya Rojawanî beşdarê panelî bîyî.
Sekretera Pêroyî ya partîya BASTA Fransizka Stier moderatotîya panelî kerde û Vervatoxa Komîsyonê Têkilîyanê Teberî yê KNKyî Nilufere Koçe derheqê prosesê tarîxî yê îmzekerdişê Peymana Lozanî de qisey kerd û çîyê ke badê îmzekerdişî qewimîyayî ercnaye.
Hêverî Vervatoxa Komîsyonê Têkilîyanê Teberî yê KNKyî Nilufere Koç derheqê prosesê tarîxî yê îmzakerdişê Peymana Lozanî de qisey kerd. Koçe îfade kerd ke Peymana Lozanî sembola parçekerdişê Kurdîstanî û afernayîşê meseleya kurdan a. Koçe vat: ”Na peymane hetê dewletanê emperyalîstan ra zanîyayêne ke seba kurdan do biba mesele. Peymana Lozanî ra dima Kurdistan mîyanê tirk, ereb û farsan de ame parçekerdene.”
Peynîya panelî de cewabê persanê beşdaran ameyî dayene. Çalakîya ke hetê Kongreya Neteweyî ya Kurdistan û Merkezê Komelê Kurdî ra seba serrgêra 10ine yê Pêkerdişê Lozanî yena viraştiş, do pêroyê serrî bi panel, semîner û konferansan dewam bikera. ZURIH
