Şeva bihurî bi mezinahiya 5,9 pileyî li Xoyê herêma Ûrmiyeyê ya rojhilatê Kurdistanê erd hejiya.
Li gorî agahî û çavkaniyên îranî di erdhejê de bi kêmanî 3 kes jiyana xwe ji dest dane. Li gorî Waliyê Ûrmiyeyê Mihemed Sadiq Mutemdyan 580 kes birîndar bûne.
Mutemdyan anî ziman, ku 16 kes şandine Nexweşxaneya Selman, 6 kes hatine emeliyatkirin û 20 kes jî şandine Nexweşxaneya Xewêndrawin.
Mutemdyan destnîşan kir, ku di vê erdhejê de ziyan gihîştiye 70 gundan.
Hêjayî bibîrxistinê ye, ku di nava vê mehê de bû du car erdhej li Xoyê pêk tê. Di encama erdheja 21’ê çileyê de li gorî rapora rêveberiya giştî ya avahîsaziyê ya Ûrmiyeyê ziyan li 3 hezar û 850 avahiyan û 13 dibistanan ketiye.
