Li gorî agahiyên hatin girtin saet di 07:45’an de Barageha leşkerî ya artêşa tirk ya dagirker bi fuzeyan hate bombekirin.
Li gorî çapemeniya Iraqê tê gotin ku Baregeha Zîlkan bi 20 fûzeyan hatiye bombekirin.
Hinek çavkaniyên din jî radigihînin ku bi 8 fuzeyan baregeha leşkerî hatiye hedefkirin û 2 ji van li nava baregehê ketiye.
Li ser ziyanên canî û madî tu agayên zelal nehatine bidestxistin.
Rêxistina Ehrar El Iraqî bi daxuyaniyekê berpirsyariya êrîşê li xwe girt.
Di daxuyaniyê de hate ragihandin ku heta dagirker bi temamî ji ser xaka Iraqê neçin, wê nesekinin.
