Navenda Ragihandin û Çapemeniyê ya HPG’ê bi daxuyaniyeke ev agahiyan ragihand: “Gerîlayên Azadiyê yên Kurdistanê ku li ser xeta Gerîlatiya Modernîteya Demokratîk xwe kûr kirine û ji nû ve ava kirine, li gel şert û mercên giran ên zivistanê û nebûna derfetan, di têkoşîna misogerkirina azadiya gelê me de bi fedaîtî şer dikin û derbên giran li dagirkeran dixin. Di çalakiyên tîmên me yên bi tevger de 5 dagirker hatin cezakirin, 4 sîstemên kamera yên mobesse, 4 çeper, çekek A4, çekek B7 û çekek bombeavêj hatin îmhakirin. Artêşa tirk a dagirker çeperên berxwedanê yên gerîla carekê bi bombeyên qedexekirî, 2 caran bi balafirên şer û bi dehan caran jî bi obus, tank û çekên giran bombe kir. Di vê çalakiyê de, di şer û êrîşên hewayî de, 7 hevrêyên me yên ku ji bo paşeroja azad a gelê me bi fedaîtî şer kirin, şehîd bûn. Agahiyên li ser lehengên nemir piştre wê bi gelê me yê welatparêz û raya giştî re bêne parvekirin.