Hêlîn Serhede (Hînayet Alataş) sera 1978î de qezaya Tetwanî ya Bêdlîsî de ameye dinya. Keyeyê aye welatperwer bi û girêdayîyê kurdîtî bi. Hema gedeyîya xo de bi raya keyeyê xo Têgêrayîşê Azadîye yê Kurdîstanî şinasna. Serra 1997 de beşdarê karan bîye. Wexto ke keyeyê aye koçê Îstanbulî kerd, bi hewayêkê aktîfî beşdarê xeylê çalakîyan bîye û serra 2002î de Stenbol ra beşdarê refanê gerîlayî bîye.
Hêlîne, Qendîl, Xinêrê, Garê, Zap û Zagrosan ra gerîlatîye kerde, sey fermandarêka cinî rayberîya xoverdayîşî kerde. Hêlîn Serhed serra 2016î de vera dewlete tirke şer kerd û bi 7 embazanê xo beşdarê karwanê şehîdan bîye.
Hêlîn Serhed rojaneyê xo de behsê mane û muhîmîya cuya gerîla, têkoşîn û koyan kerdbî: ‘‘Cuya koyî seba mi zaf zehmet nêbî, hemrayîya ke Rayber Apoyî afirnaye, seba şîyayîşê koyan venga mi dayêne. Sebebê ci o bi ke nika ez koyan ra gêrena. Ez eşkena vaja ke mi koyan ra şexsîyetê xo hîna baş şinasna. Mi hêzê xo hîna zaf dî û mi bawerîya xo hîna zaf kerd. Ez eşkena vaja ke koyî dibistanê musayîşî ya esîl ê. Mi koyan ra xeylî hêz girewt û ez koyan ra girê dîyayaya.
Hemraya ke ez tesîrê aye menda, yew zî Embaza Mizgîne (Hozane Mizgîne-Gurbet Aydin) a. Şexsîyetê aye zaf tesîrê mi kerd. Çunke bi berpirsîyarî nêzdîyê karê xo bîyêne û serkewte bîye. Seba nê taybetîyanê xo her kesî rê bîyêne cayê bawerîye. Ez kewta tesîrê aye. Wexto ke ez beşdarê gerîlayan bîya û reya yewine beşdarê vîrardena aye bîya. A roje hîsê cîyayî mi de peyda bîyî. Bi hesretêka girde, ez gam bi game ana xo vîrî. Ez zana ke heskerdişê aye yê welatî ez arda nê koyan.
Demêkê gelekî kilmî de ez embaze Mizgîne reyde menda. Her şewe qelema xo girewtêne û nuştêne. Fikirîyayîşê aye xeylê xurt bî. No zaf tesîrdar bi ke her kesî derûdorê xo ra kom kerdêne. Sey hemraya aye ez soz dana ke têkoşînî xurt bikera rayîrê aye taqîb bikera.” BEHDÎNAN
