Goreyê Neteweyanê Yewbîyeyan (NY) seranserê dinya de her di deqayan de cinyêke rîyê komplîkasyonanê diganîye ra yan zî wextê gedeardişî de dinyaya xo bedilnenê.
Goreyê raporê Rêxistina Weşîye ya Dinya (WHO) yo ke pabesteyê NYyî yo, mabênê serranê 2000 û 2020î de hûmara mergê dayîkan se ra 34.3 kêmî bîya. Tewr zaf Belarûs de mergê dayîkan kêmî bîyî û tewr zaf zî Venezûela de mergê dayîkan vêşî bîyî. Serra 2020î de 287 hezar cinîyan wexto ke diganî bîyî yan zî wextê gedeardişî de dinyaya xo bedilnaya. Serra 2000î de 446 hezar cinîyan dinyaya xo bedilnaybî.
Ame tespîtkerdene ke 2020î de se ra 70ê mergan Afrîka de Bin-Sahra de bîyî. Rayberê Pêroyî yê WHOyî Dr. Tedros Adhanom Ghebreyesûsî vat: “Cinîyê diganîyî seranserê dinya de seba ke nêeşkenê xo biresnê xîzmetêkê weşîye yê başî, beno tecrûbeyêka telûkeye.”
