Kênaya Ronayoxê Komara Kurdan a Mahabadî Gazî Muhammedî, Suheyla Gazî vizêr bajarê Bonnî yê Almanya de dinyaya xo bedilnaye.
Suhayla Gazîya ke 11ê temmuza 1941î de Mahabad de ameye dinya, 40 serrî yo surgun de bî.
Suheyla Gazî 2010 de semedê tewrbîyayîşê Konferansê Cinîyan ê Kurdan ke hetê Têgêrayîşê Cinîyan ê Azadan ê Demokratîkan (DOKH) ame organîzekerdene de amebî Amed. Tîya de roportajo ke dabi Ajansê Xeberan ê Dîcle ke bi Qerarnameyê Hukmê Qanûnî (KHK) ame qefilnayene, vatbi “Ez pê hesreta roja ke agêrana welatê xo ciwîyena.”
Suheyla Gazî mesajê “Eke me bibê yew û pîya têbigêrê ma eşkenê serbikewê” dabi.
