Meclîsa Xweseriya Demokratîk a Şengalê (MXDŞ) di salvegera êrişa 3’yê Adara 2017’an de daxuyaniyek nivîskî belavkir. Meclîsê ragihadn ku ewê teqez li ser vê axê xweseriyê ava bikin.
Daxuyanî wiha ye:
“Di 3’yê Adara 2017’an bi planek hevpar a MÎT û PDK’ê bi armanca tunekirina pergala Netewa Demokratîk a Şengalê ku ji Xanesorê civaka meya êzidî ji nava kêliyê fermanê despêkiribûn, êrîşek bêbext û bi hemû cûrên çeka, bi navê Pêşmergeyên Roj liser gelê me ê li Xanesorê pêkhat.
Bi êrîşa 3’yê Adara 2017’an re PDK’ê dijminatiya xwe ya li dijî civaka me carek din derxist holê. Gel û hêzên me ên parastinê bi erk û berpirsiyartiya xwe li dijî vê êrîşê sekinîn û 10 Şervan, Gerîla û zarokên civaka me canê xwe kirin qurbanî û bi xwîna xwe rê li ber vê êrîşa bêbext girtin.
Em binavê Meclisa xweseriya Şengalê di şexsê şehîdên berxwedaniya Xanesorê de, tevahiya şehîdan bibîr tînin û bi rêzdarê bejna xwe li himber malbatên şehîdan ditewînin.
Şehîdên Xanesorê bedena xwe kirin mertal ji bo jiyana Azad a vê civakê ku di nava fermanê de bûn. Ji bo rastiya vê êrîşê neyê xuyakirin di serî de rojnamevan kirin hedef û kedkara civaka me rojnemevan Nûjiyan Erhan kirin hedef. Lê zarokên ku ji xweliya fermanê xwe afirandin li ser şopa Şehîd Nûjiyan xwe perwerdekirin û karê xwe û xuyakirina rastiya li Şengalê de berfirehtir kirin.
Wek tê zanîn ê bû sedema fermana 3’yê Tebaxê PDK bû. PDK’ê ji roja avakirina sîstema xweseriya demokratîk a li Şengalê, heya niha bê navber planên pir qirêj li ser civaka me dide meşandin û dixwaze xwe li Şengalê bike serwer.
Çawa di wê demê de xwestin Xanesorê dagir bikin, di roja meya îro de jî heman plan li ser tevahiya Şengalê dewam dikin. Hedef girtina Fermandarên me Pîr Çeko, Agir Cefrî û Şêrzad Şemo ji êrîşa 3’yê Adara 2017’an ne qute. “Ew ê tirk di xwîna rijandine de bifetisin”.
Çawa civaka me di wê demê de bi erk û berpirsiyartî tevgeriyan wê ji niha û şûnde jî bi heman helwest tevbigerin û rê nedin xiyanetkar li ser axa Şengalê vegerin.
Em ji raya giştî re radigihînin, bedel çidibe bila bibe wê civaka me bigehe xweseriya xwe û li ser vê axa pîroz bi azadî jiyan bikin. Me berê jî gotiye tu hilbijartinekî me nîne ji bilî berxwedaniyê, ji bo ev berxwedanî bi hêz bibe em bang li gelê xwe dikin nekevin xefikên dijminê dagirker û îxaneta PDK’ê. Pêwîste gelê me bi vegera li ser axa xwe bersiv bide hemû plan û êrîşên dagirkeran.
Di niha de Xanesora berxwedêr gelê xwe ê koçber bûyî di himbêza xwe de di hewîne û bi sîstema Netewa Demokratîk xwe bi xwe birêve dibe. Ev sîstema ji Xanesorê despêkir niha li hemû Şengalê belav buye, gelê me buye xwedî sîstema xwe a rêvebirin û parastinê.
Wê ne PDK û nejî dewleta tirk a dagirker nikaribe bi planên xwe ên qirêj îradeya civaka me bişkînin. Her bihostek ji axa Şengalê xwîna qehremanekî me têde hatiye rijandin. Emê dest ji vê doza şehîdan a Şengal a xweser û azad bernedin.”
