Merkezê Îrtîbatî û Çapemenîye yê HPGyî nasnameyê 7 gerîlayanê ke Girê Hakarî de şehîd bîyî, eşkera kerdî û nê pare kerdî:
”Ma eşkerayîya xo ya 5ê sibate de vatbi warê Girê Hakarî yê Metîna de vera îşxalkeran çalakîya bikoordîne ameya kerdene û derbeyê giranî dîyayî dişmenî ro. Ma vatbi 7 hemrayê ma yê ke şertanê zehmetan ê zimistanî de,bi îradeyê girdî, qerardarîye û ruhê fedayî şer kerd tewrê kerwanê şehîdan bîyî û eke nasnameyê înan bêrê zelalkerdene ma do pare bikerê. Hemrayê ma yê ke şehîd bîyî Roza Kerboran, Rûkene Kobanê, Hekim Zana, Serhildan Kelasor, Numan Amed, Karasungur Kanîreş û Serhed Hesekê yê.
Ma sere de keyeyanê erjîyayeyan ê hemrayanê xo yê qehremanan heme şarê welatperwerî yê Kurdistanî rê serweşîye wazenê.
Nasnameyê hemrayanê me yê şehîdan wina yê:
 |
Nameyê Qodî: Roza Kerboran
Name û Peyname: Buşra Aktaş Cayê Bîyayîşî: Mêrdîn Maye-Pî: Pervîne – Alî Tarîx û Cayê Şehadetî: 2ê Sibata 2023î / Metîna |
 |
Nameyê Qodî: Rûkene Kobanê
Name û Peyname: Buşra Besrawî Cayê Bîyayîşî: Kobanê Maye-Pî: Xanim – Xişman Tarîx û Cayê Şehadetî: 2ê Sibata 2023î / Metîna |
 |
Nameyê Qodî: Hekîm Zana
Name û Peyname: Kanî Sakin Cayê Bîyayîşî: Mêrdîn Maye-Pî: Rukiye – Alî Tarîx û Cayê Şehadetî: 2ê Sibata 2023î / Metîna |
 |
Nameyê Qodî: Serhildan Kelasor
Name û Peyname: Alî Fener Cayê Bîyayîşî: Riha Maye-Pî: Hatîce – Hasan Tarîx û Cayê Şehadetî: 2ê Sibata 2023î / Metîna |
 |
Nameyê Qodî: Numan Amed
Name û Peyname: Zana Savuran Cayê Bîyayîşî: Amed Maye-Pî: Şemsîhan – Kudbettin Tarîx û Cayê Şehadetî: 2ê Sibata 2023î / Metîna |
 |
Nameyê Qodî: Karasungur Kanîreş
Name û Peyname: Zubeyîr Teymuroglu Cayê Bîyayîşî: Çewlîg Maye-Pî: Hayriye – Paşa Tarîx û Cayê Şehadetî: 2ê Sibata 2023î / Metîna |
 |
Nameyê Qodî: Serhed Hesekê
Name û Peyname: Îsmaîl Hasan Îbrahîm Cayê Bîyayîşî: Hesekê Maye-Pî: Îlham – Hasan Tarîx û Cayê Şehadetî: 2ê Sibata 2023î / Metîna |
Roza Kerboran
Hemraya ma Roza hêrêma xoverdayîşî Mardîn de yena dinya ke Mardîn senî ke Têgêrayîşê Apoyî şinasneno her tim ciwananê xo beşdarê têkoşînê azadîye keno. Hemraya ma zî ê kesan ra yew a ke seba azadîya şarê xo ameya beşdarê têkoşînî bîya. Hemraya ma Roza qezaya Kerboran de sey ferdêka eşîra Torîyan yena dinya û bi kulturê welatperwerîye bena pîle. Seba ke derûverê aye ra her tim hîkaye û qehremanîyê gerîlayan est benê, a zî hema şenikîya xo ra PKKyî şinasnena û xeyal kena ke rojêk a zî biba qehramanê ê hîkayeyan. Bi taybetî wextê Xoverdayîşê Xoîdarekerdişî de şahîdê fedakarîya gerîlayan bena û tesîr de manena. serra 2016î de vera xo dana koyanê Kurdistanî û Herêma Gabarî ra beşdarê gerîlayan bena.
Herêma Gabarî ra demêkê kilmekî de gerîlatî kena seba ke perwerde bigîra şina Herêma Heftanîn û bi hewayêko serkewte perwerdeyê xo qedênena. Cuya koyî û gerîlayan rê demêkê kilmekî de adapte bena û mabenê xo koyan de girêdayîşêk virazena. Bê tereddut her tim mewzîyan ra ca gêna û darbeyê giranan dana dişmenî ro. 2021î de vîyarena waranê Metîna û tîya de şerî mîyan de ca gêna. Embaza ma Roza do her tim vîrê hemrayanê xo de bimana û do înan rê serkêşîye bikera.
Rûkene Kobanê
Rûken bajarê Kobanê de yena dinya ke heme dinya xoverdayîşê ci şinasnena. Embaza ma ya ke Eşîra Kêtîka ra ya, verê têgêrayîşê Apoyî nêşinasnena tena nameyê înan eşnawito. 2014î de wextê Xoverdayîşê Kobanê de firsend vînena ke têgêrayîşî nêzdî ra bişinasna. Zaf tesîrê têgêrayîşî de manena bi taybetî tesîrê cesaretê cinîyanê şerwanan de manena. bi heyranî wazena ke hetê înan de ca bigîra û qerar dana ke beşdarê înan biba.
Hemraya ma Rûkene Herêmanê Xoverdayîşî yê Medya de dest bi pratîkê gerîlatî kena û bena gerîlayêke. Bi perwerdeyê fikranê Rayber Apoyî xo raver bena û rastîye nêzdî ra şinasnena. Koyanê Zagrosî ra gerîlatîye kena û seba ke xo eskerîye de raver bera beşdarê perwerdeyanê pisporîye bena û bena suîkastkerdoxa pispore. Serra 2022î de xoverdayîşî de zaf tesîrdar bena û darbeyêkê giranî dana dişmenî ro.
Hekîm Zana
Hemrayê ma Hekîm qezaya Mardîn Dêrik de, keyeyêkê welatperwerî de yeno dinya. Gedetîya xo ra PKKyî şinasneno û seba ke derûverê ey welatperwer beno o zaf rew polîtîkayê dewleta qirkerdoxe vîneno û ferq keno ke heta ke têkoşîn çinî bibo vera nê polîtîkan qezenç nêbeno. Heme hêrsê xo xo rê keno bingeyê têkoşînî. 2014î de wexto ke DAIŞ hêrîşê şarê kurdî keno, vera nê qirkerdişan hemrayê ma sey bi hezaran ciwananê kurdan vera xo de hetkarîya şarê xo. Têkoşînê vera DAIŞî de hema-hema her ca de ca gêno û bi enerjîyê xo bêpeynîye darbeyê giranan dano çeteyanê DAIŞî ro. Nê şerî de çend birîndar bibo zî bi îradeyê xo yê xoverdayoxî reyna eşkeno wirzîyo pay. Şerê vera DAIŞî de wezîfeyê xo ano bi ca û reyna vera xo dano koyanê Kurdistanî.
Serhildan Kelasor
Hemrayê ma Serhildan qezaya Riha Sêwrege de sey ferdêkê Eşîra Îzolîyan yeno dinya. Keyeyê xo welatperwer o û citkarîye de eleqedar beno. Ciwanîya xo ra partîya ma şinasneno bi hîsanê welatperwerîye beno pîl. Hemrayê ma 12 serrî şino dibistane la ferq keno ke sîstemê perwerdeyê tirkan de seba kurdêkî ca çin o û qerar dano ke vera nê sîstemî bivindero.
Serra 2014î de seba ke Kobanê de vera çetayanê DAIŞî şer bikero, beşdarê têkoşînî beno. Hemrayê ma şerî de cayêko aktîf de wezşfeyê xo keno şarê xo ê çetayan ra pak keno. Hemrayê ma 2 rey bi giranî birîndar bibo zî senî ke baş beno reyna ca de mewzîyan ra cayê xo gêno. Embazê ma hetê şerwanîye ra vêşêr warê weşîye de xo raver beno û beno dermanê xeylê hemrayanê xo. Sey şorişgerêkî wezîfeyê xo yê vera çetayanê DAÎŞÎ de ano bi ca dima vera xo dano Herêmanê Xoverdayîşî yê Medya û wezîfeyê tîya de bi hewayêko serkewte dewam keno.
Numan Amed
Hemrayê ma Nûman herêma xoverdayîşî Amed de yeno dinya bi kulturê welatperwerî û şorişgerî beno pîl. Amed her tim bîyo warê xoverdayîş û şorişgerîye coka hemrayê ma zî seba ke tîya de beno pîl zaf rew şorişgerî, welatperwerî û PKKyî şinasneno. Zilmê dewleta tirke ya îşxalkere zî nêzdî ra şinasneno û zerrîya xo de hêrsê zilmê dewlete gird keno. Rojêk ferq keno ke heta ke têkoşîn nêbo no zilm nêqedêno. Demêkm xebatanê ciwanîye ca gêno la tim xebat û têkoşînê xo kêmî vîneno. Seba ke bi hewayêko aktîf têkoşînî de ca bigîro serra 2015î de beşdarê gerîlayan beno. Perwerdeyê gerîlatî yê bingeyînan Herêma Avaşîn de gêno û tîya de demêko derg xebatêno. Dima koyanê Zagrosan ra têkoşînê xo dewam keno û dima vîyareno herêma Metîna, Girê Hakkarî de zî şer keno û kede dano. Her şert û mercanê giranan de bê tereddut wezîfeyê xo ano bi ca û hişê hemranê xo de ca gêno.
Karasungur Kanîreş
Hemrayê ma Karasungur Kanîreşê Çewlîgî de yeno dinya û bi kulturê xoverdayîşî beno pîl. Bajarê ma Çewlîg tim hetê dewleta tirke ya faşîstî ra bitaybetî hedef yeno girewtene la şarê ma yo welatperwer çirey xoverdayîşî canêverdeno. Hemrayê ma Karasungur zî qictîya xo ra nê xoverdayîşî nas keno û wazeno vera hêrişanê înkar û asîmîlasyonî têkoşîn bikero. Hemrayê ma Karasungur gama ke Meletî de unîversîte waneno cigêrayîşanê xorî keno û 2015 de tewrê sefanê gerîlayan beno û peynameyê Şehîd Mehmet Karasungurî geno. Badê perwerdeyê gerîlatîye pratîk de xeylêk tecrube keno pêser û 2020 de vera hêrişê îşxalî yê dewleta tirke, cepheyê verênî yê Heftanînî de cayê xo geno. Hemrayê ma Karasunguro ke mîlîtananê serkêşan ê Hemleya Cengê Heftanînî ra yew o, wextê şerê giranî de verê xo dano Metîna û tîya derbeyanê girdan dano dişmenî ro.
Serhed Hesekê
Hemrayê ma Serhed bajarê Hesekê yê Rojawanê Kurdistanî de keyeyêkê welatperwerî de yeno dinya û dormeyê welatperî de beno pîl. Hema serranê xo yê qican de Rayber Apo û PKKyî nas keno. Bi Şorişê Azadîye yê Rojawanî raştîya Rayber Apoyî û Şorişê Kurdistanî dahîna nêzdî ra nas keno û 2015 de verê xo dano koyanê azadan ê Kurdistanî. Hemrayê ma Serhedo ke warê Zapî de dest pê gerîlatîye keno, badê perwerdeyî xo her hetî ra aver beno û beno gerîlayêko serkewte. Wextêk Zap de maneno û dima ravîyareno Metîna û xeylêk wext tîya maneno. Girê Hakarî de sey serkêşê xoverdayoxî tewrê çalakîyanê serkewteyan beno û derbanê giranan dano dişmenî ro.” BEHDÎNAN
