Cîgirê Fermandarê Operasyonên Heşda Şebî li Musilê Ebu Turab Hilal, têkildarî êrişên dewleta tirk ên li ser Şengalê ji Rojnews re axivî.
Ebu Turab diyarkir êrîşên dewleta tirk ên li ser Şengalê metirsiyek mezin li ser jiyana sivîlan çêdike û bandorek nerênî li ser vegera koçberan a ji bo cih û warên wan çêdike.
Her wiha got; “Ji dema Mihemed Şiya Sudanî bûyî serokwezîr ve, hikûmeta Iraqê di mijara vegerandina koçberan a li ser cih û warên wan û bi dawî anîna dosya Şengalê de cidiye.”
Ebu Turab destnîşankir ku hewildanên mezin hene daku xelkê Şengalê li cih û warên xwe vegerin û got, hikûmeta Iraqê di çareserkirina pirsgirêkên Şengalê de ne cidiye.
Berpirsê Heşda Şebî diyarkir ku divê dewleta tirk bi rêyên dîplomasî yan jî bi rêya Konseya Ewlekariya Neteweyên Yekbûyî pirsgirêkan çareser bike.
