Platformê Rayraşîyayîşê Şewe yê Femînîstî bi wesîleya 8ê Adare Roja Cinîyan ê Kedkaran a Dinya Stenbol, Anqara û Îzmîr de ameyî têhet û veng da ke wa îqtîdarê AKP-MHPyî îstîfa bikero.
Stenbol de semedê Rayraşîyayîşê Şewe yê Femînîstî bi desan cinîyî vejîyayî kuçeyan. Cinîyan çalakîya xo ya 21. de îstîfaya hukmatî waşt. Cinîyan ke verê xo da warê Taksîmî hetê polîsan ra ameyî astengkerdene la cinîyan peyser game nêeşte. Cinîyan pankartê ”Helalîye nêmende, zewte est a” û ”Şima pêro do bêro muhakemekerdene” kiriştî û bi slogananê ”Jij Jiyan Azadî”, ”Wa biciwîyo paştîdayîşê cinîyan” û bi cinayîşê fîtikan û tîlîlîyan kuçeyî zimnayî. Polîsan kerd ke verê cinîyan bîgêro la cinîyî rixmê astengkerdişan resayî pê û pêro pîya yew fekî ra îstîfaya hukmatî waşte. Cinîyan eşkerayîye daye û bale ante serewedaritiş, paştîdayîş û têkoşînê cinîyan ser. Badê eşkerayîye polîsan nuqtaya Cîhangirî de hêrişê cinîyan kerd û xeylêk cinîyî destbend kerdî. Reyna Îstîklal de zî tewr tay panc cinîyî ameyî destbendkerdene.
Anaqara û Îzmîr de hetê Platformê Rayraşîyayîşê Şewe yê Femînîstî ra rayraşîyayîş ame organîzekerdene. Çalakîyan de îstîfaya hukmatî ameye waştene û semedê xurtkerdişê têkoşînî ame vengdayene.
