Serokê Yekîtiya Nivîskarên Jenosîdê Salar Mehmud di Konferansa Kurd a Navneteweyî ku cara 17’emîn li Parlamentoya Ewropayê tê lidarxistin de axivî û bal kişand ser êrîşên dewleta tirk a dagirker yên li ser herêma Kurdistan û rojavayê Kurdistanê.
Salar Mehmud di mijara ku pêşkeşkir de ragihand; “Yekîtiya Ewrupayê çavê xwe li sucên dewleta tirk yên li dijî xelkê Rojava û herêma Kurdistanê digre. Peyman Lozanê li Rojhilata Navîn bû sedema wêranî û qikririnê, li gorî yasaya navnetewî rastkirina van xeletiyan hîn jî di berpirsyartiya civaka navnetewî deye.”
Salar di mijarê de bal kişand ser helwesta Yektîya Ewrupa ya di dema enfal û kîmyabarana Helebceyê de jî; “Kompanyayên Belçîkî, Fransa û Almanyayê jî di wê karesatê de kîmya firotin Iraqê. Piştre jî ew çeka kîmyawî dijî xelkê Kurdistan hate bikaranîn û di kîmyabarana Helebceyê de hate bikaranîn. Ev çek hemû hatine belgekirin û ragihandin. Ev rewş jî dide nîşandan ku Yekîtiya Ewrupa çawa hevkarên sucê dijî gelê kurd e.”
