Hemserekîya Konseya Rayberdişî ya KCKyî bi wesîleya serrgêra qirkerdişanê Gazî û Qamişloyî eşkerayîyêka nuştekîye daye û nê vatî:
”12ê adara 1995î de Taxa Gazî ya Stenbol de û 2004 de Qamişlo de hêzanê dewlete yê qirkerdoxan qirkerdiş kerd. Serrgêra wird qirkerdişan de şexsê kesanê ke ameyî qetilkerdene de ma heme şehîdanê şoriş û demokrasîyî yad kenê.
Dewleta tirke tarîxê xo ra tim vera şaran qirkerdişan kena. Qirkerdiş Gazîyî zî nînan ra yew o. Serannê 90yan de bi têkoşînê şarê kurdî îradeyê têkoşînê hemparî yê elewiyan, şorişgêranê tirkan û têgêrayîşanê demokrat û soyalîstan vejîya werte.
Dewleta tirke seba verê prosesê demokratîkî bîgêro Taxa Gazîyî ya ke tede zaf kurd û elewî est bî, qirkerdiş kerd û bi desan kesan dinyaya xo bedilnaye. No qirkerdiş dewam qirkerdişanê vera elewîyan ê Çorum, Sêwas û cayanê bînan o. Eynî wextî de dewamê qirkerdişê vera kurdan o. Bi nê qirkerdişî ame waştene ke verê têkoşînê hemparî yê şaran bêro girewtene. Bi Qirkerdiş Gazîyî ame waştene ke şar biterso û verê têkoşînê azadîye bêro girewtene. La ewro têkoşînê kurdan, elewîyan, cinîyan, hêzanê demokratîkan ê Tirkîya yê vera îqtîdarê AKP-MHPyî mojneno ke qirkerdiş nêresayo waştişê xo. Bi xurtkerdişê têkoşînê hemparî ma eşkenê îqtîdarê faşîstî bidê war û hesabê qirkerdişan bipersê. Ma sey Têgêrayîşê Azadîye yê Kurdî bi na berpirsîyarîye têgêrenê.
12ê adara 2004î de Qamişlo de hetê rejîmê Bassî yê Sûrîye ra vera kurdan qirkerdişêk ame kerdene. Qirkerdişê Qamişloyî zî sey qirkerdişanê bînan ê vera kurdan bi zîhnîyetê dişmenîya kurdan ame kerdene. Bi nê qirkerdişî ame wşatene ke şarî biverîdîyê pê. Şorişê Rojawanî û dima ra sîstemê Îdareyê Xoserî ke şaranê Rojawanî na ro planê Qirkerdişê Qamişloyî betal kerdî.
Ma sey Têgêrayîşê Azadîyê yê Kurdan kesê ke qirkerdişanê Gazî û Qamişloyî de şeîdh bîyî, ma înan reyna bihurmet yad kenê û qirkerdişan şermezar kenê. Bi têkoşînê hemarî yê şaran do qesasê qirkerdişan bêro girewtene.” BEHDÎNAN
