Rojnamegerê cinî yê ke Zîndanê Cinîyan yê Sîncanî de tepişteyî seba mexduranê erdlerzî pakêtanê taybetan harke kerdî. Rojnamegeran waşt ke bi rayîrê Komeleya Heqanê Merdiman (ÎHD) û Partîya Demokratîke ya Şaran (HDP) pakêtan bişirawî herêma erdlerzî. La pakêyê tepişteyan hetê rayîrberîya zîndanî ra ame astengkerdene. Tepişeyan rê ame ferzerdene ke pakêtanê xo bişirawî AFADî.
Derheqê babete de rojnamegera ma Oznur Degere mektubêk rojnameger û nuştox Huseyîn Aykolî rê şirawit û bale ant rewşa bîyayeyî ser. Oznure mektuba xo de wina bale ancena astengkerdişê pakêtan ser: “Tirkîya de şar tora paştîdayîş û hetkarîye awan kerd. Ma zî waşt ke herêma erdlerzî rê pakêtanê hetkarîye hadre bikerî û paştî bidî mexduranê erdlerzî yê cinî. Ma kelepulê pakîye kantînî ra girewt û ma defîna mîyanê kolîyan. Seba ke bawerîya ma bi AFAD û Kizilayî nîna ma waşt ke pakêtanê xo bişirawî ÎHD û HDPyî.
Ma rayîrberîya zîndanî rê malumat şirawit la cewab nêdîya ma. Ma baş zanê ke heqê ma yê esasîyan ra yo ke ma bi kargo kolîyan bişirawî. Rayîrberîya zîndanî bi israr ma ser de ferz keno ke ma pakêtanê xo bişirawî AFADî. La ma nê çîyî qebul nêkenî.” ANQARA
