Qezaya Tutê ya Semsûri de 15ê adare de laser werişbî û laser konteynirê keyeyêk ke mexdurê erdlerzî bî xo reyde berdbî. Fatma Tekdal û kênaya aye Zeynep Zumra Tekdala yew serre û nîme laser de vînî bîbî.
Bade 5 rojan cenazeya Fatma Tekdale ameye dîyîş. Seba dîyîşê cenazeya Zeynep Zumraya şenike zî xebata cigêrayîşî dewam kena. Ame zanayîş ke Fatma Tekdale digane bîya.
Riha û Semsûr de hûmara kesê ke laserî de dinyaya xo bedilnayî resaye 19 kesan. SEMSÛR
