Şaxa Sendîkaya Kedkarên Tenduristî û Xizmetên Civakî (SES) a Mêrdînê bi sedemên “Peywira xwe nebaş bi kar aniye”, “Pere avêtiye ser hesaba xwe” û “Di ewraqan de sextekarî kiriye”, giliyê Cîgirê Serbijîşkê Nexweşxaneya Dewletê ya Nisêbînê Zinar Ozmen kiribû. Nûçeyên derbarê Ozmen de û parvekirinên medyaya dîjîtal hatin astengkirin. Têkildarî nûçeya ji aliyê Ajansa Mezopotamyayê hate weşandin, Ozmen serî li Dadgeha Ceza ya Sulh a Nisêbînê da. Dadgehê bi hinceta “dibe ku mafên wî yên kesayetî zirarê bibîne” derbarê biryara astengkirinê da.
Di çarçoveya biryara hate wergirtin de nûçeya MA jî di nav de 13 malperên ajans û înternetê hatin astengkirin. Her wiha biryar hate dayîn ku nûçe li ser medyaya dîjîtal jî an bê astengkirin an jî bê rakirin.
Nivîsa ji aliyê Yekitiya Dabînkeran a Gihandinê ve hate şandin bal kişand ser biryarê û hate diyarkirin ku piştî biryar hate teblîxkirin divê nava 4 saetan de nûçe bên rakirin.
