Êrîşên dewleta tirk a dagirker yên li ser xaka Iraq û Herêma Kurdistanê bê navber di domin. Rêveberê Ofîsa Tevgera Nuceba ya li Nînowayê Casim Musewî derbarê êrîşan de ji Rojnews re axivî. Casim Musewî got ku êrîşên Tirkiye yên li ser serweriya Iraqê binpêkirinin û bang li hemû hêzên Iraqê kir da ku sînorên Iraqê biparêzin.
Casim dewamê de behsa êrîşên dewleta tirk ên ser Şengalê kir; “Ên ku Şengal û xelkê Şengalê dikin hedef, dijî Iraqê ne. Hedefgirtina pêkhateyan ya ji aliyê Tirkiyeyê ve, destdirêjiyek zelal û aşkere ya ser serweriya Iraqê ye. Ji bo vê lazime hemû hêzên di nava Iraqê de hemberî êrîşên Tirkiyeyê rawestin, divê Hikumeta Iraqê jî erkê xwe yê hemberî binpêkirinan bicih bîne.”
Di dawiya axaftina xwe de jî Casim dibêje; “Di serî de erkê Heşdî Şeebî, Hikumeta Iraq û hemû hêzên din yên Iraqê ye ku dijî hemû êrîşên ser welat parastina sînorên Iraqê bike.”
Hêjayî gotinê ye Tevgera Nuceba li Iraqê xwedî hêzek leşkerî ye û dem dem hişyarî dide dewleta tirk ku hêzên xwe ji nav Iraqê derbixin û serweriya Iraqê binpê neke.
