Hevserokên HDP’ê yên bajaran ji bo nirxandina xebatên hilbijartinê kom bûn. Ji ber giraniya bernameyê civîn li ser înternetê di bin serokatiya Hevserokên Giştî yên HDP’ê Pervîn Buldan û Mîthat Sancar de pêk hat.
Sancar di destpêkirina civînê de axivî û got “Em di qonaxeke girîng de civîneke girîng li dar dixin. Me dixwest em vê civînê rû bi rû pêk bînin, lê ji ber şert û mercên bernameyê nebû ku em li hev bicivin.
Di serî de ez spasiya hevrêyên xwe yên hêja dikim ku di meha dawî de bi taybetî di 8’ê Adarê û Newrozê de li qadan kedên mezin dane. Ya girîng jî piştî erdhejê hemû yekîneyên me bi taybet hevserokên bajaran, rêveber û hemû xebatkarên me ji bo li qadan bin û bi hev re bin, seferberiyeke mezin kirin. Helbet bi hezaran kesên wek we û me derketin qadan, lê her ku çû em bûn şahid ku rêxistina me ji bo parvekirina êşa gelê me û dermankirina birînên wan kedeke mezin daye. Ji bo vê em we hemûyan jî pîroz dikin û spas dikin. Ev erka me ye. Dewlet û desthilatdarî di 3 rojên ewil de ne li tu derê bûn. Ne ji bo xebatên lêgerîn û rizgarkirinê alîkariyên pêwîst hatin kirin, ne jî em bûn şahidê xebateke ku pêwîstiyên gelê me yên ku hatine tesbîtkirin pêk bînin. Ji gelek derdoran kesên weke me û we li qadan bi gelê me re hevdîtin kirin, bi gelan re bûn yek. Êşa me mezin bû, wêranî giran bû. Encamên vê hilweşandinê hê jî didome. Li aliyê din mezinahiya hevgirtinê di warê sivikkirina êşan û dermankirina birînan de hêviyek da me. Ji ber ku me dît ku hêza rast a parastina gel û civakê rêxistina wan bi xwe ye û tenê kesên ku bi gel re kar dikin û ji bo gel dixebitin dikarin gel biparêzin.
Pergaleke din, welatekî din û feraseteke din pêkan e
Pergaleke din, welatekî din û feraseteke din pêkan e. Em ji bo avakirina vê pergala û ji bo destpêkek nû, ji bo avakirina komara demokratîk weke sîstemeke ku hemû beşên civakê di nava azadî û dewlemendiyê de wekhev bijîn têdikoşin. Ji ber vê yekê piştî erdhejê me bi vê dirûşmeyê xebatên xwe bi giranî li qadên din domand. Dîsa barê herî giran li ser milê we bû. Jinan bi ruhê hevgirtinê û dirûşmeya parvekirina êş û jana 8’ê Adarê silav kirin. Wan nîşanî me dan ku têkoşîna jinan çiqasî girîng e û ji bo veguherînê çiqas bi qîmet e. Ev kedkar û têkoşîna hevrêyên me yên jin rêberiya me dikin, ez spasiyên xwe pêşkeşî wan dikim.
Girîngiya hevgirtinê careke din derket holê
Newroz destpêkeke nû ya vejîn û berxwedanê ye. Kurd di serî de hemû gelên Rojhilata Navîn bi heyecaneke mezin ev cejn pîroz kirine. Îsal ne wekî şahiyê lê bi biryardariya em vê pergalê biguherînin, me Newroz pîroz kir. Bi deh hezaran, bi sed hezaran, bi milyonan mirov daketin qadan. Em dizanin ku hewldanên we di vî warî de çiqas girîng in. Ger rêxistinên me yên bajar û navçeyan ewqas xebat nekirana, me nikarîbû hevgirtina di erdhejê de, parvekirina 8’ê Adarê û civîna birûmet a Newrozê pêk bianiya. Niha 1’ê Gulanê li pêşiya me ye. Berpirsiyariya me ye ku em van hemû nirx û biryardariyê heta 1’ê Gulanê bînin.
Tû êrîş nikare pêşiya me bigre
Piştî 1’ê Gulanê wê di 14’ê Gulanê de sindoq bên danîn. Em di pêvajoya hilbijartinê de ne. Zêdebûna pêvajoya hilbijartinê jî bi ezmûnên me yên berê ve diyar dibe ku wê xebat çiqasî dijwar bin. Bi taybetî di heyamên hilbijartinê de armanca me ew e ku xwe bigihînin gel, piştgiriya xwe zêde bikin, hêza xwe zêde bikin. Em xebatên li ser vê mijarê ji nêz ve dişopînin û em dibînin ku hûn çi dikin. Hilbijartinên di 14’ê Gulanê de wê bên kirin xwedî girîngiyeke dîrokî ne û her kes vê yekê dizane. An wê rejîma ku vî şerê otorîter, îstîsmarê weke polîtîkaya xwe ya bingehîn qebûl dike wê xwe xurt bike, an jî wê destpêkek nû derkeve holê ku rê li ber komara demokratîk vebe. Armanca me ya sereke ya stratejîk ev e ku em hêza li ser bingeha înkar, talan, mêtingerî û şer bişînin. Di vî warî de em ji niha ve têkoşîna xwe li her qadê bi biryardarî dimeşînin. Tevî hemû êrîş û dorpêçan jî tu hêz nikare me ji rêya me vegerîne.
Tifaqa ked û azadiyê
Em tifaqên xwe ava dikin. Tifaqa Ked û Azadiyê beriya niha hatibû avakirin û niha jî rêya xwe berfireh dike. Ji aliyê din ve xebatên avakirina Tifaqên me yên Kurdistanî gihiştine qonaxa dawî. Hem Tifaqa Ked û Azadiyê û hem jî Tifaqa Kurdan wê bibe motora vê tifaqa Demokrasî û Azadiyê. Wê bibe dînamîka diyarker a veguherîna demokratîk. Bi vê tifaqê re di rastiya xwe de yekitiya me ya herî berfireh, guhertina tifaqa hêza demokratîk di bin banekî berfireh de hatiye komkirin. Di vê yekê de di serî de têkoşîna jinê û tevgerên jinan hene. Îradebûn û israra mezin a ciwanan û yekitiya têkoşînê ya ji aliyê wan ve hatiye afirandin, stûna herî bingehîn a tifaqa me ye. Me diyar kir ku em ê wekî HDP’ê nikaribin bikevin van hilbijartinan, lê hemû rêxistinên me bi berçavgirtina van îhtîmalan xwe amade kirine. Em her tim li hember hîleyên hikûmet û rejîmê hişyar bûn û me tu carî amadekariyên xwe qut nekirin. Me ragihand ku em ê di van hilbijartinan de vê hêza mezin, dînamîzma mezin a ku me afirandiye û vîna guhertinê nîşan bidin. Me ev demeke kurt piştî ku dosyaya girtinê hat vekirin jî em got em ê tu carî gelê xwe bê çare nehêlin. Ji bo avakirina Riya Sêyemîn bê guman em ê alternatîfan biafirînin.
Em ê bi Partiya Çep a Kesk biçin hilbijartinan
Ji bo ku Rêya Sêyemîn bi ser bikeve, teqez em ê hilbijartinan weke parçeyek girîng a têkoşîna civakî ya mezin bibînin û xebatê bigihînin asta herî jor. Me jî ev yek anî ziman, di mejiyê hin kes û derdoran de xalên pirsê hebûn, belkî dipirsin wê çi bibe, lê pirraniya mezin dizanibû ku ew yekitiya mezin a têkoşînê ya berê îro rê dide me. Bi hêza mezin a ku wê zanîn û ezmûnê da me, me alternatîf afirandin. Me alternatîfên xwe afirandin, em ê di bin sîwana Partiya Çep a Kesk de bikevin van hilbijartinan. Jixwe bajar û navçeyên ku Partiya Çep a Kesk lê rêxistinbûyî ye, hene.
Em HDP em bi gelê xwe re ne
Hevseroka Giştî ya HDP’ê Pervîn Bûldan jî got “Îro roja duyemîn a Remezanê ye, hêvîdar im bibe wesîleya xêran. Hêvî dikim ku rojiya gelê me were qebûlkirin. Em di qonaxeke dîrokî ya girîng re derbas dibin. Di vê dema dîrokî de. Lê belê ez dixwazim bibêjim ku niha du awayên jiyanê yên me hene. Ya yekem jiyana me ya beriya erdhejê ye, ya duyemîn jî jiyana me ya piştî erdhejê ye. Em ê beriya erdhejê gelek cuda rave bikin. Dema em erdhejê vediguhêzin nifşên pêşerojê, em ê wek Tirkiyeya beriya erdhejê û piştî erdhejê bi nav bikin. Hevserokên me yên bajar û navçeyan li herêma erdhejê xizm û cîranên wan jiyana xwe ji dest dan. Em jî di dema erdhejê de daketin qadan. Em HDP em bi gelê xwe re ne.
Pêvajoya me ya 8’ê Adarê hebû. Li her derê bi awayekî cidî beşdarî daxuyaniyan bûn. Dema ez di 4’ê adarê de dê biçûma Hatayê min texmîna tiştekî wisa nedikir. Tevlîbûneke pir xurt a jinan hebû. Bi rastî ez dixwazim bibêjim ku bi wesîleya 8’ê Adarê, jin kom bûn, ev tiştekî gelekî girîng e.
Ruhê yekîtiyê hat nîşandan
8’ê Adarê û Newroz, her çend di nava şînê de be jî, hêviyê dide me. Di Newrozê de jî wisa bû. Di Newrozê de peyamên bi milyonan kesan girîngiya yekîtiyê nîşanî me da. Hewldanên hevserokên me di Newroz û 8’ê Adarê de mezin in. Ez jî spasiya hemû hevalan dikim. Em ketine serdema hilbijartinê. Niha em bi rastiyek neçar re rû bi rû ne. Pirsên wekî gelo wê bê taloqkirin jî qediyan. Dîroka hilbijartinê hat zelalkirin, tifaq hatin çêkirin, serlêdan dest pê kirin. Em ê bi Partiya Çep a Kesk têkevin hilbijartinan.
Di hilbijartina serokomariyê de hem daxuyaniyên hevserokê me rêzdar Mîthat Sancar û hem jî daxuyaniya min a li Kongreya Qersê ya derbarê diyarkirina namzet de, di nava gelê me de motîvasyoneke mezin çêkir. Em dikarin vê coşbûnê fam bikin. Di vî warî de em dizanin ku daxwaza gelê me çiqasî di cih de ye.
Dibe ku me navek aşkere nekiribe, lê ji ber ku hêj xebatên hilbijartinê dest pê nekiriye me navek aşkere nekir. Piştî xebatên hilbijartinê dest pê kirin, em ê di rojên pêş de navê ku em ê di hilbijartina serokkomariyê de piştgiriyê bidinê, aşkere bikin û têxin rojeva xwe. Em dizanin ku hilbijartinên parlamentoyê bi qasî hilbijartinên serokomariyê jî girîng in.
‘Armanc nûnertiyek baş û bi hêz e’
Em bi dirûşmeya sedsala duyemîn a komarê de, 100 parlementeran bişînin meclîsê, amadekariya vê hilbijartinê dikin. Bi temsîliyeteke xurt, ji bo ku reng, nasname, mexdûr, bindest û kesên hebûna wan tên înkarkirin werin temsîlkirin, em ê têbikoşin. Ji ber vê yekê em armanc dikin ku bi vê têgihîştinê bikevin parlamentoyê, ji ber ku em dizanin ku bi partiyek bihêz a nûnertiya li meclîsê wê bandorê li xebatên qanûnê yên di salên pêş de bên kirin.
Dixwazim bibêjim ku ji bo ku jin di parlementoyê de û hem jî di mijara temsîliyeta wekhev de nûnertiya mêran bê kirin, di vê mijarê de em ê tu tawîzan nedin. Nûnertiya jinan ji bo partiya me xwedî girîngiyeke mezin e û di dema çêkirina lîsteyan de em girîngiyê didin vê. Bi kurtî ez dixwazim bibêjim ku di vê dewrê de berpirsyariyeke mezin dikeve ser milê hemû hevalên me û hemû hevserokên me yên bajaran berpirsyar in. Wê di nav we de namzet hebin, di vî warî de tu astengî nîn e, lê hemû hevalên me heta niha weke hevserokên bajaran wê xebatên xwe berdewam bikin, ez dixwazim bibêjim ku pêdiviya bi we gelekî zêde ye. Riya me vekirî ye. Ez ji dil bawer dikim.”
