Komîteya Kultur û Hunerî ya PKKyî dîrektoro kurd Xelîl Dag serrgêra 15. ya şehadetê ci de bi eşkerayîyêke yad kerd.
Eşkerayîye wina ya:
”Embazê ma yo hunermend û qehremanê ma yo lîder Xelîl Dag 1ê nîsana 2008î de dafika dewleta tirke ya îşxalkerî de şehîd bibi. Ey peyê xo de mîrasê têkoşînêkê pîlî verda û 13 serran kedêka pîle daye. O bi embazê Rayber Apoyî, nuştox, fotografkêş, dîrektor û şorişgêr. O bi embazê koyan o tewr nêzdî.
Ey vatêne ‘yew kameraya ma yew zî embazîya ma.’ Ey şeranê tewr giranan de pê xeber û dîmenanê xo cepheyêko newe akerd. Ey fotografê gerîlayan girewtî; hîs, vîrameyîş, dîmenî kerdî bêmerg. Ey koyan ra hes kerd, koyan zî ey ra. Embaz Xelîl serkewtiş de zî, çalakîyan de zî, deyîran û govenda gerîlayan de zî est bi. Embaz Xelîl Dag sînemaya koyan afernaye. Ey rixmê bêîmkanî û zehmetîyan zî xebatê tarîxîyî kerdî.
Sînemaya Xelîl Dagî sînemay Kurdistanî, sînemaya qehremanîya kurdan û sînemaya azadîye bîye. Embaz Xelîlî eseranê xo de ca da cinîya azade ya kurde û têgêrayîşê azadîye yê cinîyan. O aşiqê azadîye bi. Ey kerd ke sozo ke dabi Rayber Apoyî bîyaro ca û bi tewirê Apogîrî koyan de têkoşîn kerd. Nameyê projeyê ey o peyên ‘Raywanê Koyê Araratî’ bi. O pa gerîlayan derbazê vakurê welatî bi û şehîd bi. Ma soz danê ke rayîrê ey ra şorê û Rayber Apoyî azad bikerê. Embaz Xelîl bêmerg o.”BEHDÎNAN
