HPGyî nasnameyê 5 şehîdan eşkera kerdî

Merkezê Îrtîbatî û Çapemenîye yê HPGyî bi eşkerayîyêke nasnameyê 5 şehîdan eşkera kerdî.

Eşkerayîye wina ya:

”Şarê kurdî seba ke ewladê înan ê tewr rindî seba azadîye têkoşîn kenê hema zî eşkeno estbîyayîşê xo bipawo. Şarê kurdî xêrê xoverdayîşê fedayî û rayraşîyayîşê nê ewladanê qehremanan ra game bi game azadîya xo visneno destî. Pawitişê estbîyayîşê şarê ma, şiknayîşê hêrişanê dişmenî û azadîya şarê ma bi têkoşînê giranî, bedelan mumkîn o. Na dewaya azadîye ya fîraze de ewladê tewr rindî, tewr rûmetênî û tewr çêrî yê şarê ma bêteredut têkoşîn kenê û şehîd benê. Nê şehîdê qehremanî têkoşînê ma kenê pîlêr, bawerîya ma zêdînenê û ma kenê nêzdîyê serfîrazîyê. 2017 zî serranê giranan ra yew bi. Embazanê ma Derwêş, Azad, Ozgur, Sîdar û Xelîl xoverdayîşê 2017î rê sey milîtananê fedayîyan ê Apogîran serkêşîye kerde, bi qehremanî xo ver da û şehîd bîyî. Ma nê embazanê xo yê şehîdan bi rêzdarî û minetî yad kenê û soz danê ke armancê înan bîyarê ca. Ma keyeyanê înan ê welatperweran û şarê welatperwerî yê Kurdîstanî rê zî serweşîye wazenê.

Embaz Derwêş Wan de dadîya xo ra beno la polîtîkayanê koçkerdişî yê dewlete ra semed Îstanbul de beno pîl. O 2009 de tewrê xebatanê ciwanan beno û xeylêk reyî yeno destbendkerdene. Embaz Derwêş 2011 de tepişîyeno û 3 serran û nêm zîndan de maneno. 2015 de wexto ke zîndanî ra vejîya zî verê xo dano koyan. Embaz Derwêş cade cuya gerîlayan museno. O Xakurkê de serkêşîya şerî keno û bêmabên vera dişmenî şer keno. Embaz Derwêş peyê xo de mîrasêkê pîlî verdeno.

Embaz Azad Sewrêge de dadîya xo ra beno. O wexto ke Mêrdîn de zanîngehî waneno felsefeya Rayber Apoyî nêzdî ra şinasneno. O bi nê hawayî 2014 de tewrê gerîlayan beno. Embaz Azad perwerdeyan ra dima hêverî Zap de gerîlatîye keno û dima derbazê Xakurkê beno. Embaz Azad bi qerardarî û îrade serkêşîya têkoşînî keno û xeta azadîye ya PKKyî teqîb keno. Embaz Azad pê kesayetê xo beno mazharê heskerdişê pêro embazanê xo û beno layîqê pratîkê PKKyî.

Embaz Ozgur Colemêrg de dadîya xo ra beno. Embaz Ozguro ke ciwanîya xo de têgêrayîşê azadîye şinasneno 2015 de tewrê gerîlayan beno. Embaz Ozgur Zap de perwerdeyê gerîlatîye vîneno û beno wayîrê pratîkêkê xurtî. Embaz Ozgur pê kesayetê xo beno temsîlkarêkê PKKyî û xeta şehîda. O wextê hêrişanê dişmenî de Zap de rayîr nêdano îşxalkeran û bi fedayîtî tewr vernî de şer keno. Embaz Ozgur pê îradeyê xo yê xurtî şer de serkêşîye keno û beno milîtanêko mîsal.

Embaz Sîdar Wan de dadîya xo ra beno. Embaz Sîdaro ke sempatîzanêkê têgêrayîşê azadîye bîyo, 2015 de vera hêrişanê dişmenî tewrê gerîlayanê azadîye beno. Embaz Sîdar Herêmanê Pawitişî yê Medya de perwerdeyê gerîlatîye gêno û derbazê Zapî beno. Herêma Ertûşî de cepheyê şerî de têkoşîn keno û derbanê giranan dano dişmenî ro. Embaz Sîdar pê kesayetê xo yê fedakarî cewabê hêrişanê dişmenî dano û beno serkêşê şerî. O pêro wezîfeyanê xo bêkêmasî ano ca û peyê xo de mîrasêkê pîlî verdano.

Embaz Xelîl Amed de dadîya xo ra beno. Embaz Xelîl hêverî tewrê xebatanê ciwanan beno û dima 2015 de, Amed de verê xo dano koyanê azadan. O wextêk Vakur de têkoşîn keno, dima zî verê xo dano Herêmanê Pawitişî yê Medya. Embaz Xelîlo ke huner de zî eleqedar bîyêne derbazê Zapî beno û tîya de keno ke armancanê partîya ma bîyaro ca. Embaz Xelîl cade musayeyê cografyaya xidare ya Zagrosan beno û beno milîtanêko mîsal. Mîrasê ey ê têkoşînî tim do verê ma roşnî bikero.”

Nasnameyê embazanê ma yê şehîdan wina yê:

Nameyê Qodî: Derwêş Tetoyî

Name û Peyname: Dogukan Bozdemîr

Cayê Bîyayîşî: Wan

Maye-Pî: Hanîfe – Muhlîs