Rojbîyayîşê Rayberê Şarê Kurdî Abdullah Ocalanî do bi çalakîyan bêro fîrazkerdene. Çalakîyî do mabênê 1 û 10ê nîsane de bêrê kerdene. 4ê nîsane de ver bi dewa Amara ya qezayab Xelfetî ya Riha rayraşîyayîşêk do bêro kerdene.
Hemserekê Komeleya Paştdayîşê bi Keyeyanê Tepişteyan û Hukmwerdeyan a Marmara (MA TUHAY-DER) Mehmet Şafî Erolî derheqê çalakîyanê Stenbolî de qisey kerd û bale ante girîngîya 4ê Nîsane ser.
Erolî vat: ”Seba kurdan hem têkoşîn hem zî sîyasetî 4ê Nîsane de dest pêkerd. Cinîyan ê kurdan dest pê şinasnayîşê xo kerd. Dima ke qîmetê nê têkoşînî ame famkerdene, hînî 4ê Nîsane seba kurdan fîraz bi.”
Erolî pare kerd ke waştişê azadîya Rayberê Şarê Kurdî Abdullah Ocalanî morê xo da Newroza 2023yî ro û vat: ”Birêz Ocalan seba şaranê Rojhelatê Mîyanênî tek çimeyê hêvî yo.”
Erolî ard ziwan ke mabênê 1 û 10ê nîsane de xeylêk qezayanê Stenbolî de şitilî do bêrê ronayene û vat: ”Serkêşîya Mayanê Haştîye de gulî do bierzîyê dengizî. 4ê Nîsane de zî bi beşdarîya pêro dezgehan eşkerayîyêka çapemenîye do bêra dayene. Ma venga şarê xo danê ke tewrê nê çalakîyan bibo.” STENBOL
