Gerîlayê HPGyî Welat Gabarî bi wesîleya rojbîyayîşê Rayberê Şarê Kurdî Abdullah Ocalanî ANFyî rê qisey kerd.
Welat Gabarî pare kerd ke rojbîyayîşê Ocalanî ra ver kurdî sey nika nêbîyê û vat: ”Bi rayraşîyayîşê Rayberîya ma Kurdîstan de vera serdestan kurdan cesaret qezenç kerd û dest pê têkoşînî kerd. Şarê ma bi îdeolojîya Rayberîye kewtî rayîr û xeylêk aver şîyî. Ma nika koyanê Kurdîstan de bi ruhê Apogîrî têkoşîn kenê û ma do artêşa tirke ya faşîste koyanê xo ra bierzê. Ma koyanê xo de bi azadî biciwîyê. Nika Rayber Apo binê tecrîdêkê giranî de yo. No tecrîd nika zaf cayanê Kurdîstanî rê vila bîyo. Her ca de vera şarê ma û embazanê tepişteyan hêrişî est ê. Nê pêro kerdişî tecrîd de eleqedar ê. Se beno wa bibo gerîlayî do seba azadîya şarê ma û Rayberîye koyan de têkoşin bikerê.” BEHDÎNAN
