Endamê Komîteya Azadî ya Rêber Ocalan Simko Sabîr û endama Rêxistina Jinên Azadî ya Kurdistanê (RJAK) Suham Mehmud derbarê girîngiya azadiya Rêberê Gelê Kurd Abdullah Ocalan û rojbûna wî de ji Rojnews re axivîn.
Endamê Komîteya Azadî ya Rêber Ocalan Simko Sabîr diyarkir ku rojbûna Rêber Ocalan di dîrokê de xwedî girîngiye û got; “Ji bo ev roj di zihniyeta gelên cîhanê de bimîne girînge, bi taybet jî ji bo gelê kurd. Pêwîste ji bo azadiya Rêber Ocalan hîn zêdetir kar were kirin û bînîn bîra dinyayê ku Rêber Ocalan ji bo azadiya civak û mirovahiyê têkoşiyaye. Divê dijî tecrîdê xwedî helwest bin.”
Endama RJAK’ê Suham Mehmud jî li ser heman mijarê nêrînên xwe anî ziman. Suham got; “Rojbûna Rêber Ocalan ji bo jin, ciwan û gelên Rojhilata Navîn girînge, ji bo gelê kurd xwedî wateyek taybete. Ger ne ji Rêber Apo ba, wê kurd ji holê rabûna, bi hewldan û fikrê Rêber Apo niha kurd li ser piyanin. Ji bo vê pêwîste her kes xwedî li Rêber Apo ku ji bo bidestxistina mafên gelê kurd têkoşiya û şoreş kir, derbikeve. Bi taybet divê ev tecrîda girankirî ya li ser Rêber Apo were şikandin û bê azadkirin.”
