Bajarê Helmendî yê Afganistanî de Talîbanî qedexe kerd ke rojnamegerî bi cinîyan reyde pêvînayîş bikerê û rojnamegeran tehdîd kerd.
Rojnamegerêk herême ke seba asayîşî ajansê JINNEWSî nameyê ci nêda dîyar kerd ke qerarê rayraberdişê roşnvîrî û roşnvîrî Meulwî Mihemed Qasim Riaz înan rê ameyo neqlkerdiş. Rojnamegerî sewbîna dîyar kerd ke xebera ke waştêne derheqê xebatkarê nêweşxaneyî û nêweşan de bidê hetê selahîyetdarê Talîbanî ra bi reaksîyonêk şîdetin ame astengkerdene û badê cû serê hûmara xo ya WhatsAppî de bi nuşteyê “Cinîyan ra dûrî vinderê” mesajê tehdîdî girewto.
‘Wazenê vengê cinîyan Helmandî de bitepisnê’
Rojnamegerî dîyar kerd ke bi nê caardişan Talîban wazeno vengê cinîyanê Helmandî bitepisîno û wina vat: “Êdî qîmetê azadîya cinîyan û heqê cinîyan nêmendo. Eke destûr nîno dayîş ke cinîyêke pêvînayîş zî bikera ma nêeşkenê qalê heqê cinîyan û merdiman bikerê.”
