Cîgirê Yekem yê Serokê Parlamentoya Iraqê Muhsîn Mendelawî, êrîşa ser Balefirgeha Navneteweyî ya Silêmaniyê bi tundî şermezar kir û wiha got: “Ev êrîş binpêkirinek metirsîdar e li ser serweriya Iraqê û êrîşek li ser jiyana welatiyan e.”
Muhsîn Mendelawî Lijeneya Asayîş û Parastinê erkdar kir ku demil dest ji bo lêkolîna buyera êrîşa ser Balefirgeha Navneteweyî ya Silêmaniyê lijneyek ava bikin û senaryoya ku li pişt vê buyerê aşkere bikin, da ku tedbîrên pêwîst ji bo parastina serwerî û jiyana welatiyan bigirin.
Hêjayî gotinê ye ku di 3’ê nîsanê de dewleta tirk a dagirker, rêya hewayî ya ji bo Balefirgeha parêzgeha Silêmaniyê girt. Her wiha doh êvarî êrîşek hewayî bi rêya balefirên bê mirov ve li ser Balefirgeha Navneteweyî ya Silêmaniyê hate kirin. Piraniya nîşaneyan di vî milî de ye ku êrîş ji aliyê dewleta tirk a dagirker ve hatiye pêkanîn.
