Merkezê Îrtîbatî û Çapemenîye yê HPGyî nasnameyê 6 şehîdan eşkera kerdî. Eşkerayîye wina ya:
”2020 de vera têkoşînê azadîye yê şarê ma hêrişê qirker û kolonyalîstî yê çetinî qewimîyayî û a serre bi hezaran gerîlayanê azadîye yê Kurdistanî pê kedanê xo yê bêhempayan xeta xoverdayîşî de israr kerd û pê şiknayîşê amadekarîyanê îşxalkeran îradeyê Apogîran servisna. Na serra qehremanîye 202 de embaze Evrîme û Devrîme 13ê teşrîna verêne de, embaz Hogir û Jîr 7ê teşrîna verêne de, embaz Tîrêj û Givara zî 19ê teşrîna verêne de waranê cîyayan de şehîd bîyî.
Nê embazê ma sey keda xo ya gerîlatîye û tewirbîyayîşê xo fedayîtî, pê şehadetanê xo zî do serkêşîya ma bikerê. Ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê.
Embaze Evrîm Wane de dadîya xo ra bena. Embaza ke tewrbîyayîşanê gerîlayan zaf tesîrê ci kerdêne, netîceya cigêrayîşanê xo de 2013 de tewra gerîlayan bena. Embaze Evrîme Herêmanê Pawitişî yê Medya de dest pê gerîlatîye kena û hem çekan ser o hem zî taktîkanê şerî ser o bena profesyonel. Embaze Evrîme wextêko derg vera DAÎŞî zî şer kena, bena birîndare û sey fermandarêka gerîlayan agêrena koyan. Embaze Evrîme dima Heftanîn de û Metîna de tewra xeylêk çalakîyan bena, embazanê xo rê serkêşîye kena û derbanê giranan dana dişmenî ro. Embaze Evrîme Metîna de hêrişêkê dişmenî de bena şehîde.
Embaze Devrîme Silopîya de dadîya xo ra bena. Embaze Evrîme dima ke rojêke Rayberîye hewnê xo de vînena 2014 de tewra gerîlayan bena. A Avaşîn de manena û dima panc serran vera DAÎŞî şer kena. A dima sey fermandarêka YJA-Starî agêrena Metîna. Embaze Evrîme tim xeta Zîlane de şina. A Hêzanê Taybetan mîyan de cagêna û bi nê hawayî xeyalê xo yê tewr pîlî zî ana ca. Embaze Devrîme cuya xo ya têkoşînî de pratîkêkê pîlî mojnena û 13ê teşrîna verêne ya 2020î de bena şehîd.
Embaz Hogir Qamişlo de dadîya xo ra beno. O hêverî Şorişê Rojawanî de cagêno û dima zî 2015 de tewrê gerîlayan beno. Embaz Hogir Herêmanê Pawitişî yê Medya de xeylêk cepheyan de şer keno û beno wayîrê tecrubeyanê pîlan. O embazanê xo perwerde keno û xo zî warê sabotajî de aver beno. Embaz Hogir wayîrê mîrasê xoverdayîşî vejîyeno û hêrişanê dişmenî de tewrê karwanê bêmergan beno.
Embaz Jîr Colemêrg de dadîya xo ra beno. O verî xebatanê ciwanan de cagêno û hetê dewlete ra tepişîyeno. 3 serran ra dima wexto ke zîndanî ra vejîya zî embaz Jîr sibata 2014î de tewrê gerîlayan beno. O Xakurkê de perwerde vîneno û 5 serran tîya de serkêşîya xeylêk çalakîyan keno. Embaz Jîr her warî de xo perwerde keno û aver beno. Embaz Jîr pê kesayetê xo yê fedakar û kedkarî beno mazharê hûrmetê embazanê xo û wina şehîd beno.
Embaz Tîrêj Cizîra Botanî de dadîya xo ra beno. O hêverî xebatanê ciwanan de cagêno û tewrê xoverdayîşê xoîdarekerdişî beno. Embaz Tîrêj dima verê xo dano koyanê azadan. O koyan de xo aver beno û dima derbazê Zapî beno. Zap de embaz Tîrêj serkêşîya embazanê xo keno û derbanê giranan dano dişmenî ro. Embaz Tîrêj dima beno fermandarêko tîme û zerrîya embazanê xo de beno wayîrê cayêkê taybetî.
Embaz Givara Hesekê de dadîya xo ra beno. Embaz Givara beno şahîdê xoverdayîşê Rojawanî û nê xoverdayîşî de cagêno. O dima zî bi qerardarî verê xo dano koyan û beno gerîla. Embaz Givara xo aver beno û derbazê Zapî beno. Zap de o tewrbîyayîşêkê fedakarî mojneno û sey embazanê xo bînan destananê qehremanîye nuseno. Embaz Givara Zap de beno wayîrê kedêka pîle û çimeyê embazanê xo yê hêzî. ”
Nasnameyê embazanê ma yê şehîdan wina yê:
 |
Nameyê Qodî: Evrîm Botan
Name û Peyname: Aysel Ocal Cayê Bîyayîşî: Wan Maye-Pî: Nazmîye – Sadun Tarîx û Cayê Şehadetî: 13yê Teşrîna Verêne ya 2020yî / Herêmê Pawitişî yê Medya |
 |
Nameyê Qodî: Devrîm Çavreş
Name û Peyname: Zeynep Kuday Cayê Bîyayîşî: Şirnex Maye-Pî: Meryeme – Memduh Tarîx û Cayê Şehadetî: 13ê Teşrîna Verêne ya 2020yî / Herêmê Pawitişî yê Medya |
 |
Nameyê Qodî: Hogir Qamişlo
Name û Peyname: Huseyîn Ahmed Cayê Bîyayîşî: Qamişlo Maye-Pî: Hiyame – Zenûn Tarîx û Cayê Şehadetî: 7ê Teşrîna Verêne ya 2020yî / Herêmê Pawitişî yê Medya |
 |
Nameyê Qodî: Jîr Baz
Name û Peyname: Mazlum Demîr Cayê Bîyayîşî: Colemêrg Maye-Pî: Meryeme – Abdulvahît Tarîx û Cayê Şehadetî: 7ê Teşrîna Verêne ya 2020yî / Herêmê Pawitişî yê Medya |
 |
Nameyê Qodî: Tîrêj Botan
Name û Peyname: Firat Baysoy Cayê Bîyayîşî: Şirnex Maye-Pî: Ayşe – Nîmet Tarîx û Cayê Şehadetî: 19ê Teşrîna Verêne ya 2020yî / Herêmê Pawitişî yê Medya |
 |
Nameyê Qodî: Givara Behrî
Name û Peyname: Ronî Xelil Cayê Bîyayîşî: Hesekê Maye-Pî: Nalîne – Îdrîs Tarîx û Cayê Şehadetî: 19ê Teşrîna Verêne ya 2020yî / Herêmê Pawitişî yê Medya |
