Keyeyê Gezerî ke 90yan ra nata mîyanê têkoşînê polîtîkî de aktîf o, 11 ferdanê ci ra derheqê 9 ferdanê ci de cipersayîş dîya destpêkerdene, 4 tenî kewtî zîndan û yewê înan serhildanê vera îşxalê serê Kobanê de binateyê kuçeyî de hetê dewleta tirke ra ame qetilkerdene.
Asya Gezer vist vîrî ke keyeyê înan ra verî babîyê ci 94 de wextê hêrişê bizor vengkerdişê dewan de raştê hêrişê polîsan ame û yew çimê xo vînî kerd û vat: ” Garîbe û birayê mi Bîlal tim aktîf mîyanê xebatanê partî de ca girewtêne. Ez o wext Îzmîr de wendekare bîya. Garîbe îdarekara qeza bî. Wextê serhildanê Kobanê de Kerboran de birayê mi binateyê kuçeyî de ame kiştene. Gama ke 8ê teşrîna verêne de cenazaya birayê ma ameye Mêrdîn hêrişê polîsan de guleyî îsabetê birayê mi Mehmet Emînî kerd û o felç bi. Polîsanê ke guleyî eştî beraat kerd. Ez 9 aşmî zîndananê Mêrdîn û Mîdyatî de pîya bi waya ya xo Garîbe menda. Garîbe mi ra dima şeş zîndanî bedilnayî. Garîbe cinîyêke xoser, sereberz bî. Neheqîye qebul nêkerdêne. Zîndan de raştê îşkenceyî ameye û dinyaya xo bedilnaye. Ma gereyê îdarekaranê zîndanî kerd la çew nêamecezakerdene.
Seba ke ez vengê tepişteyan bidê eşnawitene, hetkarîya înan bikerî, wazena biba parlamentere. Ma çar wayûbirayî têdima kewtî zîndan. Xora cayê zîndanan semedê mi cîya yo. Pîya bi Garîbe zîndanî bîyî dejê min o ke tim gonî tira yena. Ez têna serê keyeyê xo ra nêvena. Xora zaf kesê sey ma est ê. Zaf cinîyî est ê ke sey Garîbe raştê îşkenceyî yenê. Ez wazena semedê înan çîyêk bikerî. Garîbe tim qala polîtîkaya zîndanan kerdêne. Vatêne ê pêro raştê zextî yenê la zextê serê cinîyan dilab o. Seba ke ez tepişteyan rê hetkarîye bikerî, mi muracatê vernamzedîye kerde.” MÊRDÎN
