Cenazeyên Lokman Gorgun (53) ê bavê 8 zarokan ku bi îdiaya “endamtiya PKK’ê” û xwarziyê wî gerîlayê HPG’ê Mûsa Kahraman (Çiyager) ên li gundê Cinata yê herêma Omeryan a Mêrdînê ji aliyê dewleta tirk a faşist ve hatin qetilkirin, malbatên wan wergirtin. Cenazeyên ku derengiya şevê piştî otopsiyê ji Nexweşxaneya Perwerde û Lêkolînê ya Mêrdînê hatin wergirtin bi ambulansê birin Cinatayê. Cenazeyên Gorgun û Kahraman piştî wecîbeyên olî hatin pêkanîn li ser milan bi dirûşmeyên “Şehîd namirin” hatin veşartin. Ji bo Gorgun û Kahraman li gund şîn hate danîn.
Hate hînbûn ku parêzerên Gorgun û Kahraman wê bi gumana “’înfazkirinê” serî li Şaxên Komeleya Mafên Mirovan (ÎHD) û Komeleya Hiqûqnasên Ji Bo Azadiyê (OHD) ên Mêrdînê bidin.
