Milîtanê Apogîrî rayraşîyayîşê xo yê azadîye rê bêmabên dewam kenê. Bedelê nê rayraşîyayîşî xora giran ê. Raywananê na azadîye ra yew zî Nîhad Esed o. Nîhad Esed 1991 de şaristanê Amûdê ya Rojawanî de dadîya xo ra beno û 2013 de zî waka xo ra pey, verê xo dano koyanê azadan.
Nîhad mîyanê gerîlayan de xo rê nameyê Serhed Tolhildanî weçîneno. O Garê de perwerde vîneno û tîya de pratîk keno. Dima o seba têkoşînêkê xurtêrî derbazê akademî beno. Serhed Tolhildan akademîzî de keno ke felsefeya Rayberê Şarê Kurdî Abdullah Ocalanî hîna hol fam bikero û xo aver bero. Perwerdeyî ra dima o verê xo dano Avaşînî. Serhed Tolhildan Avaşîn de beno fermandarêko çêr. O bi hawayêkê qerardar, çêr û hişmendî her warê cuye de têkoşîn keno.
Fermandar Serhed Zagrosan de, kampanê xoverdayîşî de amadekarîya binawanîye ya pîle keno û gerîlayan rê mîrasêkê pîlî verdeno. Fermandarê HPGyî Serhed Tolhildano ke pê tewirê xo yê zerrînizmî, fedayî û çêrî zanîyayêne, sey şerwanêkê heqîqatî, seba cuya azadîye heta nefesê xo yê peyênî têkoşîn keno. O Hewteyê Qehremanîye de, 26ê adara 2021î de pa embazê xo Egîd Gabarî tewrê karwanê şehîdan beno.BEHDÎNAN
