Temsîlkaranê dezgahanê ke bi nameyê Yewîya Hêzî ya Demokratîkî bajarê Dusseldorfî de ameyî têhet û semedê rayraşîyayîşê merkezî yo ke 15ê nîsane de do Dusseldorf de bêro kerdene veng da.
KCDK-E ra Yuksel Koç, KON-MEDî ra Zubeyde Zumrut û Engin Sever, KJAR-Ewropa ra Maryam Fathi, PJAK-Ewropa ra Artin Zahedî, ADHKyî ra Yusuf Demir, CÎKî ra Hafiz Turhali, FEDA ra Demir Çelîk, AvEG-KONî ra Ali Mitel, TJK-E ra Aytene Kaplan, Meclîsê Konunê Şorişgêrî yê Ewropa ra Endercan Ekin, FED-MEDî ra Sevin Sincar tewrê kombîyayîşî bîyî.
Eşkerayîye bi kurmanckî, kirdkî û tirkî ameye wendene.
Yuksel Koçî ke qiseykerdişê akerdişî kerd, bale ante şertanê tecrîdî yê serê Rayberê Şarê Kurdî Abdullah Ocalanî ser û vat: “Gerek 15 nîsane de hewtî ra heta hewtayî kurdîstanîjî tewrê rayraşîyayîşê Dusseldorfî bibê. ”
Zubeyde Zumrute zî tecrîdê serê Abdullah Ocalanî şermezar kerd û vat: “Ma Rayber Apoyî ra xebere nêgênê. Wa şarê ma bêro, ma pêro pîya bibê vengê Rayber Apoyî. Wa 15 nîsane de hewtî ra heta hewtayî şarê ma tewrê rayraşîyayîşê Dusseldorfî bibo. ”
Hafiz Turhaliyî zî vat: “Heta ke tecrîdê serê Rayberê Şarê Kurdî medarîyo we, şarê kurdî nêeşkeno azad bibo. ”
Ayten Kaplane zî bale ante tecrîdî de se rû veng da ke wa her kes hîsgêr têbigêro.
Demîr Çelîkî zî tecrîdê serê Abdullah Ocalanî şermezar kerd û vat: “No tecrîd vera heme bawerîyan o, ma qebul nêkenê. ”
Sevin Sincarî zî vat: ” Wextê azadkerdişê Rayber Apoyî yo. Coka gerek heme şarê ma tewrê rayraşîyayîşê Dusseldorfî bibo.”DUSSELDORF
