Çarçeweya tehqîqatê Serdozgerîya Komare ya Amedî de 8ê Hezîrana 2022yî de 20ê ci rojnameger pêro pîya 22 kesî ameybî destbendkerdene. Rojnamegerê ke ameybî destbendkerdene mîyan de Mudira Karê Nuşteyî ya Ajansê ma JINNEWSî Safîye Alagaş, Hemserekê Komeleya Rojnamegeran ya Dîcle Firatî Serdar Altan, Edîtorê Ajansê Mezopotamya (MA) Azîz Oruç, Mudirê Karê Nuştişî yê Rojnameyê Xwebûnî Mehmet Alî Ertaş û rojnameger Zeynel Abîdîn Bulut, Omer Çelîk, Mazlum Dogar Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remzîye Temel, Ramazan Geçîken, Lezgîn Akdenîz û Mehmet Şahînî ke 16ê Hezîrana 2022yî de bi îdayê “endamtîya rêxistine” ameybî tepiştiş estî.
Pêwa ke 10 aşmî yo cipersayîş de tu averşîyayîş nêvirazîya, hewteyê vîyarte de hetê Serdozgerîya Komare ya Amedî ra amebî dîyarkerdene ke derheqê rojnamegeran de îddîaname ameyo amadekerdene, 4. Mehkemaya Cezaya Girane ya Amedî rê ameyo şirawitene û sewîyeya cigêrayîşî de yo. Sewbîna amebî dîyarkerdene ke dimayê îddîaname bêro qebûlkerdene do rewşa rojnamegeran newe ra bêra ercnayene û do tarîxê roniştişî bêro dîyarkerdene.
Ame dîyarkerdene ke îddîaname ameyo qebûlkerdene û tarîxê roniştişî û qerarê bînî yê derheqê îddîanameyî de do dima rê bêrê eşkerakerdene. AMED
