Fermandarîya Qerargehê Merkezê Pawitişê Şarî (MPŞ) bi eşkerayîyêke bîlançoya şerê serrêke (14ê nîsana 2022yî ra heta 14ê nîsana 2023yî) ya Herêmanê Pawitişî yê Medya eşkera kerde.
Eşkerayîya MPŞyî ya serê babete wina ya:
”Bîlançoya şerê serrêke ya Herêmanê Pawitişî yê Medya,
Şarê ma û raya umûmîye rê;
Rejîmê AKP-MHPyî serra 2015î ra dima hetê sîyasî ra bin kewt û seba ke nêeşka îqtîdar de bimano, bira sîyasetê şerî daye. Naye ser ı şarê kurdî, têgêrayîşê azadîye, pêro beşê Tirkîya bîyê hedefê AKP-MHPyî û hêrişê bêemanî dayî destpêkerdene. No şero ke pê îşkenceyê psîkolojîkî û tecrîdê vera Rayber Apoyî dest pêkerdo, game bi hame vera pêro beşanê komelî ame caardene. La rejîmo faşîst pê xoverdayîşê Rayber Apoyî, şarê kudî, dostanê ma û têgêrayîşê azadîye nêeşka.
Rejîmê AKP-MHPyî yê faşîstî pêro hêzê xo pêser kerdî û bi paştdayîşê hêzanê hegemonîkan û kurdanê xayînan vera Herêmanê Pawitişî yê Medya hêrişê îşxalî yê neweyî dayî destpêkerdene. Nê hêrişê ke bi giranî vera Zap, Metîna û Avaşînî bîyê, raştê xoverdayîşê fedayî yê gerîlayan ameyî û rejîm reyna nêeşka bireso armancê xo. Rejîmê faşîstî armanc kerd ke Herêmanê Pawitişî yê Medya ra dima Başûr, Şingal û Rojawanî zî îşxal bikero û bi nê hawayî sînoranê Mîsak-i Mîllî bîyaro ca. Rejîmî seba ke biireso armancê xo vera gerîlayan çekê kîmyewî û bombayê qedexekerdeyî şuxilnayî. Gladyoyê NATOyî û kurdanê xayînan zî paştî daye nê sûcanê şerî. Nê bingeyî ser o 14ê nîsana 2022yî de bi hêrişanê hewayî, 17ê nîsana 2022yî de zî erdî ra, bi warardişê leşkeran vera Zap, Avaşîn û Metîna hêrişê îşxalî dîyayî destpêkerdene. No planê îşxalî şuxilnayîşê çekanê kîmyewîyan, bombayanê qedexekerdeyan, teknîkê şerî yê teknolojîkî û bombardumananê giranan ra ameyêne pê. La gerîlayanê azadîye 2022 de bi ruh û fedayîtî xoverdayîşêko destanwarî kerd, vera hêrişanê kîmyewîyan estbîyayîşê xo û çeperê xo pawitî, verê îşxalî girewt û nêverda dişmen ser bikewo. Netîceya ney de artêşa tirke zî peynîya serra 2022yî de neçare mende ke tay cayan ra xo apey bigêra û warverda.
No prosesê şerî û hêrişan bi bira Erdogan û Bahçelîyî dîya destpêkerdene ke îqtîdar de bimanê. Nê şerî de îmkanê şaranê Tirkîya şuxilîyayî. Rejîmê faşîstî xîret kerd ke bi nê hawayî îqtîdarê xo mende bikero û pê teda kerd ke her kes paştî bido nê şerî. La sîyasetê înan o gemarin roje bi roje teşhîr bi, sûcê şerî ameyî belgekerdene û eşkera bi ke nê şerî Tirkîya berda verê rijîyayîşî. Bi prosesê weçînayîşî zî hîna zaf eşkera bi ke mesuldaranê nê şerî Erdogan, Bahçelî, Hulusî Akar û Suleyman Soyluyî seba rantê sîyasîyî no şer dayo destpêkerdene û seba ke dima ser nêkewtî zî kewtê xelisnayîşê xo. Hînî her kes nê rejîmê faşîstî ra aciz bîyo û paştdayîşê ci kêmîyayo.
259 gerîlayî şehîd bîyî
Bêguman afernayîşê na netîceya tarîxîye -vindarnayîşê hêrişanê îşxalî, xoverdayîşê vera hêrişanê kîmyewîyan û bombayanê qedexekerdeyan- asan nêbîyî. Gerîlayanê azadîye bi roşnîya felsefeya Rayber Apoyî, bi îradeyêkê xurtî vera hêrişan xeta qehremanîye de xo ver da. Bi destpêkê zimistanî artêşa tirke hêrişê xo kêmînayî û neçare mende ke tay cayan ra xo apey bigêra. Prosesê şerê serraneyî de Herêmanê Pawitişî yê Medya de 259 embazê ma şehîd bîyî. 2833 îşxalkerî ameyî cezakerdene, 387 embazê ma birîndar bîyî. Şerê vera Herêmanê Pawitişî yê Medya 14ê nîsana 2022yî de dest pêkerd û rixmê bira ma ya çalakînêkerdişî zî menganê peyênan de dewam keno. Bîlançoya 14ê nîsana 2022yî-14ê nîsana 2023yî wina ya:
Hêrişê bi bombayanê qedexekerdeyan û çekanê kîmyewîyan: 3730
Hêrişê bi teyarayanê şerî: 4233
Hêrişê bi helîkopteran: 5628
Hûmara îşxalkeranê ke ameyê cezakerdene: 2833
Hûmara îşxalkeranê ke birîndar bîyê: 387″ BEHDÎNAN
