Komîteya Tenduristiyê ya Meclisa Sivîl a Dêrazorê bi hevkariya Rêveberiya Xweser a Bakur û Rojhilatê Sûriyeyê xebatên sererastkirina nexweşxaneya Kisrayê bi dawî dike
Di dema dagirkiriya çeteyên DAIŞ`ê ya li gundewarê Dêrazorê de, çeteyan nexweşxane wêran û talan kirin.
Nexweşxaneya Kisra li bajarokê Kisrat ê rojavayê Dêrazorê ye û mezintirîn nexweşxane li rojavayê Dêrazorê ye. Di nexweşxaneyê de beşa zarokan, beşa jinan, beşa nojdariya giştî, beşa lênêrîna giran, neştegeriya qestere, şewat û destwerdana lezgîn hene. Nexweşxane ji bo tevahî gundewarê rojhilat ê Dêrazorê ye.
Hevserokê Komîteya Tenduristiyê ya Meclisa Herêma Rojvavayê Dêrazorê Ebdullah El Bedir diyar kir ku Komîteya Tenduristiyê ya Dêrazorê berî 6 mehan dest bi sererastkirina nexweşxaneya giştî ya Kisrayê kir û destnîşan kir ku lêçûna sererastkirinê 463 hezar dolar e.
El Bedir wiha domand: “Nexweşxaneya Kisra nexweşxaneya yekane li rojavayê Dêrazorê ye. Ev nexweşxane wê barê şêniyên herêmê sivik bike, nexasim ku lêçûna dermankirinê li nexweşxaneyên taybet buha ye.”
El Bedir diyar kir ku di çend rojên nêzîk de wê nexweşxane fermî were vekirin û bikeve xizmetê. Her wiha destnîşan kir ku ew ê ji bo pêşxistina rewşa tenduristiyê li gundewarê rojava yê Dêrazorê xebatên xwe bidomînin û zêde bikin.
