Di 16’ê nîsanê de serokwezîrê Herêma Kurdistanê Mesrûr Barzanî li Hewlêrê tev li fitarê bibû û gotibû; “Em ti carî nikarin bibin hevkarê xiyanet, gendelî, teror, tirsandin, wêrankirin û bikaranîna xelkê ya ji bo berjewendiyên xwe.”
Malbenda 3 ya Yekîtiya Nîştiman a Kurdistan (YNK) ya Hewlêrê bi daxuyaniyekê bersiva Mesrûr Barzanî da û wiha got: “Xakfiroş ew in ên zêdetirî sed baragehên leşkerên Tirkiyeyê anîne sînorên parêzgeha Hewlêr û Dihokê. Xakfiroşî ew e ku rê ji bo şehîdxistina welatiyan xweş dikin û daristan û jîngeha Kurdistanê wêran dikin. Daxuyanî û helwesta serokê kabîneya 9’em, di warê siyasî, aborî, dîplomasî û karê bihevre jî, Herêma Kurdistanê ber bi tunelek tarî ve dibe.
Ya ku niha li Herêma Kurdistanê rû dide, binpêkirina hemû pîvanên dewletbûnê ye, sedema vê jî teror û siyasîne. Hikûmraniya herêmê hemû dem li ber piyê Bexdayê ketiye, ma divê hûn şanaziyê bi çi bikin? Ma ji bilî tevlihevkirin û nehiştina taybetmendiyên siyasî yên Herêma Kurdistanê, çi di çanteyê wî de maye ku bavêje? Li ser asta cîhanê jî hemû dosyayên piştevaniyê dûrxistiye, li ser asta navxweyî jî hemû yekîtiyê têkbiriye û hewl dide hemû têkiliyan jî sifir bike.
Ev biradere di warê aboriyê de jî hemû çavkaniyên dahat, mûçeyê mamosta, pêşmerge û polîsan gihandiya qonaxek tarî.”
