Partîya Çep a Keske Çewlîg de bi namzetanê co Cemîle Turhalli Balsak, Omer Faruk Hulaku û Faruk Arisî kewena weçînayîşan. Çewlîg de xebatê weçînayîşî yê partîye bêmabên dewam kenê.
Vizêr bi wesîleya Roşanê Remezanî namzetanê Partîya Çep a Keske bînaya partîye de roşanê yewbînan pers kerd. Dima namzetan û Hemserekanê HDP û DBPyî yê Çewlîgî partîyê bînî zîyaret kerd û roşanê înan pers kerd.
Dima Cemîle Turhalli Balsake bi wesîleya roşanî taxa Bahçelîevlerî zîyaret kerde, di namzetanê bînan zî dewî û tazîyeyî zîyaret kerdî.
Verê şanî zî namzetan qezaya Dara Hêni de broşurê partîya xo vila kerdî û goş na meseleyanê şarî. Namzetan venga pêro şarê Dara Hêni da ke 25ê nîsane de tewrê mîtîngê pîlî yê Çewlîgî bibê. Şarî bi eleqeyêkê pîlî namzetî pêşwazî kerdî. ÇEWLÎG
