Koordînasyonê KJKyî bi wesîleya 1ê Gulane Roja Kedkeran a Dinya eşkerayîya nuştekîye day û nê vatî:
“Sîstemo ke ma tede ciwîyene ekonomîya ke çalakîya tewr demokratîke ya komelî ra yew a, vera komelî semedê terbîyekerdşê komelî şuxulnena. Rayber Apo vano ‘Xebityayîş azadîye ya’ la sîstemê kapîtalîstî xebityayîş kerdo sey çalakîya koletîye û xebatakaran sey koleyan vîneno. Merdimî seba ke biciwîyê û leteyêkê nane bifînê destî şertanê teberê merdimîye de xebitîyenê. Bizanayîş artêşa bêkaran afirnaya ke şarî şertanê koletîye rê razî bikerê. Keda kedkaran, cinîyan û komelî xesp kenê û sey mîraswerdoxan qesran de ciwîyenê. Şarî ra vanê sebr bikerê û nêşarmîyenê qala nana ercane kenê.
Tewr zaf zî keda cinîyan îstîsmar kenê. Kenê ke cinîyan bikerê koleya keyeyî. Keda dayîkîye ya bimbarek zî îstîsmar kenê. Dayîkî vêşan verdayî û seba ke nêeşkayê miqatê qijanê xo bibê, înan rê dejo tewr pîl da ciwîyayene. No sîstem kede û ekonomî têna sey pere û karî geno dest. Dayîkî bêmabên xebiteyenê la seba ke pere qezenc nêkenê keda înan nêvînayîşî ra yena û sey karkeranê tewr bêqiymetan yenê vînayene. Cinîyî sey karkeranê serrewextî şinê metropolan û raştê heme hêrşanê sîstemê camêrd serdestî yenê. Rixmo ke cinîyî camêrdan reyde eynî karî kenê, heta şertanê dahîna giranan de xebitîyene hendê camêrdan qezenc nêkenê. Wextê îqtîdarê faşîstî yê AKP-MHPyî de bi KYKyan xeylêk cinîyî karî ra ameyî vetene û bîyî mexdûr. Nê îqtîdarî cinî, karker, dewij, kedkarî mexdûr kerdî. No îqtîdar dizdîya kede keno, bêehleqîye aver beno, feqîran zafêr feqîr keno û paşgêranê xo zengîn keno. Kurdîstan de şerê tewr giran û leyminî yê tarîxî kenê û bedelê nê şerî kurd û şarê Trkîya danê.
İnkey wextê ci yo ke vera nê bêro vejîyayene. Gerek no îqtîdaro faşîst bêro serûbinkerdene. Têkoşînê 1ê Gulane û cinîyan eynî wextî de têkoşînê kede û azadîye yo. Têkoşînê wayîrvejîyayîşê kede û azadbîyayîşî, xoîdarekerdişî, afirnayîşê komelê azadî yo. Ma veng danê heme cinîyan, kedkaran û şarê xo yê ke azadîye û edalet wazenê wa 1ê Gulane de vejîyê waranê têkoşînî. Hinda wextê ci ameyo ke nê îqtîdarê dişmenê kede û cinîyan ra hesab bêro persayene. Ma bi ruhê 1ê Gulane paştî bidê Îtîfaqê Kede û Azadîye û weçînitişî de nê îqtîdarî bidê war. Na berpirsîyarîya tarîxî ya heme kesan a ke azadîye wazenê. Sere de cinîyî heme kedkarî gerek wayîrê kede û heqanê xo bivejîyê û 14ê gulane de sindoqan de bi ruhê 1ê Gulane cewabê dişmenê kede bidê.”
