Îro Hikumeta Herêma Kurdistanê bêyî YNK’ê civîna xwe ya asayî lidarxist, lê YNK carek din tevlî civînê nebû. Di civînê de serokwezîrê başûrê Kurdistanê Mesrûr Barzanî bang li YNK’ê kir ku vegere nava civînên hikumetê.
Li beramberî vê Semîr Hewramî ku berdevkê cîgirê serokwezîrê başûrê Kurdistanê Qubat Talebanî ye, bersiva Mesrûr Barzanî da.
Semîr Hewramî got; “Kengê mijara mûçeyê karmendên Silêmaniyê weke yên Hewlêrê hate çareserkirin, wê demê emê jî biryarek li ser vegera civînên Encûmena Wezîran bidin. Pirsgirêk ewe ku mûçeyê pêşmergeyên dêrîn yên YNK’ê li Hewlêrê hatiye rawestandin, nabe mûçe li bajarek were belavkirin, li bajarê dinjî neyê belavkirin.”
