Tevgera Civaka Demokratîk (TEV-DEM) bi boneya 1’ê Gulanê Roja Karker û Kedkaran a Cihanê daxûyaniyek da.
Di daxûyaniyê de wiha hate gotin: “Em salvegera 137ʹan a 1ʹê Gulanê li kedkarê mezin Rêber Abdullah Ocalan pîroz dikin. Rêber Abdullah Ocalan ruh û mîrateya nirxê rasteqîn ê tevahî kedkarên herêmê û cihanê geş kir. Em vê boneyê li tevahî kedkar û karkerên Bakur û Rojhilatê Sûriyeyê û tevahî berxwedêr û têkoşerên li dijî zilmê pîroz dikin.ʹʹ
TEV-DEMʹê diyar kir ku li cihanê beşa karkeran herî zêde bi êş, zilm, înkarkirin û çewsandinê re rû bi rû maye û wiha hat domandin: ʹʹÇîna karkeran ku tiyê îradeya azad e li hemberî pergalên kapîtalîst xwe birêxistin kir, hêza xwe yên fikrî û xweser komî ser hev kir da ku wekhevî û edaleta civakî pêk bîne. Di wê çarçoveyê de xwepêşandan li hember kapîtalîstan lidar xistin, banga maf, edaletê û başkirina rewşa jiyanî kir û di oxira vê yekê de berdêlên mezin dan. Herî dawîn hewldanên wan bi ser ketin û mafên wan li ser asta navneteweyî û herêmî bi rêya peyman û qanûnan hatin mîsogerkirin ku piraniya dewletên cihanê li ser îmze kir. ʹʹ
TEV-DEMʹê da zanîn ku tevî wê jî lê ev beş nikare mîras û nirxên xwe di 1’ê Gulanê de bêyî astengî pîroz bike û got: “Mixabin li piraniya welatên ku peymana 1ʹê Gulanê îmze kirine çîna karker û kedkaran rastî astengî û heqaretê tên ku dighêje asta pevçûnan jî. Dîmenên bi vê awayekî her sal dûbare dibin. Pergala kapîtalîst a ku li ser serê mirovahiyê bûye bela, di nav şert û mercên dijwar re derbas dibe, bêçare maye û nikare çareseriyeke demokratîk û aştiyane bibîne. Pergala kapîtalîst bûye mîna ewrekî reş ku ronahî tê de tuneye. Ev yek jî bandoreke mezin li rewşa giştî ya cihanî dike.”
TEV-DEMʹê di dewama daxûyaniyê de bal kişand ser siyasetên dewleta tirk a dagirkerên li dijî karker û kedkaran û got: “Dewleta tirk a dagirker siyasetên herî qirêj li dijî îradeya karker û kedkaran dimeşînin, gelek karker girtine, bêkarî û nezanî li ser tevahî civaka tirk ferz dike. Her wiha şerê taybet, siyasetên înkarkirin û qirkirinê li dijî gelên herêmê dimeşîne.ʹʹ
TEV-DEMʹê îşaret bi rola kedkaran di şoreşa Bakur û Rojhilatê Sûriyeyê de kir û got: “Di şoreşa vîna gelên berxwedêr ên Bakur û Rojhilatê Sûriyeyê û piraniya herêmê de, karkeran tevî beşên din roleke sereke û girîng dilîzin û têkoşîn temam dikin. Kedkaran ruheke çalak da rêveberiyê û têkoşînê. Bi tevlîbûna çalak a jinên kedkar û têkoşer, destanên lehengiyê hatin nivîsandin. Êdî jin mîras û nirxên 1’ê Gulanê bi ruhê şoreşa civakê bi rêve bir da ku civakeke demokratîk û azad ava bibe.ʹʹ
TEV-DEMʹê di dawiya daxuyaniyê de got: “Em piştgiriya vî beşî dikin. Em di wê baweriyê de ne ku berxwedan û têkoşîn mîsogeriya têkbirina terorê û rizgarkirina tevahî herêmên dagirkirî ji dewleta tirk a dagirker in. Em mîrateya 1ʹê Gulanê bikin wesîleya xurtkirina têkoşîna parastina nirxên me yên exlaqî. Her wiha bikin wesîleya piştevaniya hemû berxwedêrên li dijî tecrîd û dagirkeriyê.”
