Serdozgeriya Komarê ya dewleta tirk a dijminê kurd li Stenbolê lêpirsînek da destpêkirin. Di çarçoveya lêpirsînê de polîsên şefê faşîst Erdogan li navçeyên Başakşehîr, Esenyûrt, Arnavûtkoy û Kuçukçekmeceyê û gelek navçeyên din avêt ser gelek malan. Polîsên maşeya destê akp-mhp’ê li malan lêgerîn pêk anîn û rêveber û endamên Partiya Demokratîk a Gelan (HDP) û Kongreya Demokratîk a Gelan (HDK) û endamên Meclîsa Ciwanan a Partiya Çepên Kesk jî di nav de herî kêm 17 kes destgîr kirin.
Hinceta destgîrkirinê nehate zanîn û ew birin Midûriyeta Polîsan a Stenbolê ku li kolana Vatanê ye. Hat zanîn ku biryara sînordarkirinê ya 24 saetan danîne ser hevdîtina parêzeran a li gel miwekîlên xwe. Her wiha hat diyarkirin ku biryara veşarî li ser dosyeyê ye.
Navên kesên hatin destgîrkirin wiha ne: Devîn Doga Ayaz, Hulya Îlyas, Serkan Şengûl, Eylem Taşdemîr, Mustafa Şîşman, Serhat Tokuş, Arafat Emekçîlerî, Tufan Emekçîlerî, Erkan Ozmen, Cevdet Bîçer, Yunus Aslan, Berfîn Koçak, Hêvîdar Ozdemîr, Omer Gulsul, Mervan Beyret, Adem Ozgen, Onûr Îlbars.
Dewleta tirk a dagirker faşîst bi van operasyonan dixwaze îradeya gelê kurd û demokratên tirk bişkînin û pêşiya desthilatdariya akp-mhp’ê bide vekirin.
