Di daxûyaniya Kongreya Civaka Demokratîk a Kurdistaniyên li Ewropayê (KCDK-E) de hate gotin, “Li dijî zext, zilm, înkar, komkujî û qirkirinê, ji bo bidawîkirina dîktatoriyê em 14’ê Gulanê bikin fînal, ji bo dengdanê seferber bibin.”
Di dewama daxûyaniyê de hate gotin, “Erdogan ê dijminê gelan, desthilatdariya faşîst a AKP-MHP’ê ya ku xwe ji xwîn, tundî û nijadperestiyê xwedî dike, li ber hilweşînê ne. Ji bo têkbirina vê desthilatdariya dijminê jin, zarok, ciwan, extiyar, teqawît, kedkar, bêkaran, heta êvara 9’ê Gulanê em li her tax, kolanan seferber bibin û hilbijêran bigihînin cihê dengdanê. Xemsarî divê nebe. Ji ber ku bi vê hilbijartinê re ya wê bi dîktatoriyê qirkirin dewam bike, yan jî bi dengê xwe em ê biratiya gelan pêk bînin.”
‘Her dengekî nehatiye bikaranîn xizmetê ji dîktator Erdogan re dike’
KCDK-E’yê got, “Em ji bîr nekin, her dengekî nehatiye bikaranîn xizmetê ji dîktator Erdogan re dike. Bi navê KCDK-E’yê em banga xwe dubare dikin, ji bo di vê hilbijartinê de bi ser bikevin, divê civak, navendên me, saziyên me yên baweriyê, rêxistinên me yên jin û ciwanan, welatparêzên me seferber bibin.”
Di dawiya daxuyaniyê de hate gotin, “Bi dengekî her tişt diguhere. Bi dengê te lîstika dîktatoriyê dikare bê têkbirin.”
