Di çarçoveya du operasyonên qirkirina siyasî yên cuda yên ku ji aliyê Serdozgeriya Komarê ya dewleta qontra a Stenbol û Eskîşehîrê ve hatin kirin de, di 30’ê nîsanê de polîsên dûvikê akp-mhp’ê bi ser malên gelek kesan de girt. Polîsên maşe bi ser malên namzetên parlementeriyê yên Partiya Çepên Kesk de girtin. Di vê çarçoveyê de girtin ser mala namzeta Stenbolê Bûrcû Akyildiz, yê Eskîşehîrê Muslum Koyûn, namzeta Îzmîrê Meryem Yildirim , Hevserokê Giştî yê ESP’ê Şahîn Tumuklu, nûçegihana ETHA’yê Nadiye Gurbuz û malên endamên Meclîsên Jinên Sosyalîst (SKM) û Federasyona Komeleyên Ciwanan a Sosyalîst (SGDF). Di van serdegirtinan de 23 kes hatin destgîrkirin.
Kesên hatibûn destgîrkirin doh sewqî Edliyeya Stenbol û Eskîşehîrê hatin kirin. Ji ber daxûyaniyên çapemeniyê, xebatên siyasî û ji ber ku bertek nîşanî qetlîama li ser gerîlayên HPG’ê yên ku bi çekên kîmyewî ji aliyê Tirkiyeyê hatibûn bikaranîn dane li Stenbolê gelek kes hatibûn destgîrkirin. Dozgeriyê akp’ê xwest 13 kes werin girtin û ew sewqî qaşo Hakîmtiya Ceza ya Sulhê kiribû.
Hakîmtiyê çoyê destê faşîzmê biryar da ku Hevserokê Giştî yê ESP’ê Şahîn Tûmûklû, edîtora ETHA’yê Nadiye Gurbuz, Kalender Polat, Sînem Çelebî, Adnan Ozcan, Selvînaz Goçmez bên girtin.
Li Eskîşehîrê jî heman sûcdarî li kesên hatine destgîrkirin hate barkirin. Di vê çarçoveyê de namzetê parlementeriyê yê Partiya Çepên Kesk ê Eskîşehîrê Muslum Koyûn hate girtin.
Kesên din jî bi kontrola edlî û bi şertê girtîbûna li malê serbest hatin berdan.
Der barê namzetê Parlamenterê Partiya Çep a Kesk a Eskîşehîrê Mûslûm Koyûn de ku ji dozgeriyê sewqî dadgehê hat kirin de biryara girtinê hat dayîn.
Navên din jî bi şertê kontrola edlî û hepsa malê hatin berdan.
