Endamê Konseya Rayberdişî ya KCKyî Xebat Andokî prosesê weçînayîşanê Serekkomarîye û wekîlîyan ê 14ê gulane ANFyî rê ercna.
Qiseykerdişê Andokî ra tay noqtayê girîngî wina yê:
”Ma çend serrî yo Rayber Apoyî ra xeberêke zî nêgirewte. Nika prosesê weçînayîşî de Rayberîye ser o xeylêk nîqaşî yenê kerdene ke nê bêexlaq ê. Avûkatanê Rayber Apoyî bi eşkerayîyêke vat ke nêbeno ke Rayberê ma bibo hacetêkê weçînayîşî. Ganî Rayber Apoyî ser o propagandaya winayêne ya gemarine nêra kerdene.
Îqtîdarê AKP-MHPyî yê faşîstî armanc kerdêne ke 2022 de şerê vera gerîlayan de ser bikewo û bi nê hawayî dest pê 2023yî bikero. Coka dewleta tirke bi hawayêkê topyekûnî hêrişê Rojawan, Başûr û Vakurê Kurdîstanî kerd. Îqtîdarî kerd ke bi nê hawayî weçînayîşan de ser bikewo. La gerîlayan nê armancî bi xoverdayîşê xo pûç kerdî.
Weçînayîşî nêzdî bîyê. Îtîfaqê Kede û Azadîye weçînayîşanê 14ê gulane de do asta şorişê demokratîkî de vurnayîşan bikero. Faşîzmê AKP-MHPyî weçînayîşan de do bin bikewo. Faşîzmê AKP-MHPyî çend serran de bêmabên hêrişê kurdan kerd. La 14ê gulane de şexsê AKP-MHPyî de polîtîkayê qirkerdiş û şerî zî do bêrê binvistene. Bêguman binkewtişê AKP-MHPyî xêrê têkoşînê têgêrayîşê azadîye ra do bibo. Eşkera yo ke weçînayîşan de serkewtişê Hêzanê Kede û Azadîye bi binvistişê îtîfaqê AKP-MHPyî do prosesêlê neweyî yê têkoşînî bido destpêkerdene.
AKP-MHP vano ke ‘weçînayîşê 14ê gulane darbe ya.’ Yanî vanê eke ê bin bikewê no yeno manaya îşxalê welatî. Faşîzm çîyo winayên o. Goreyê faşîzmî o est bo her çi est o la eke o çin bo çîyêk çin o. Faşîzmê AKP-MHPyî mezgê merdiman îşxal kerdo. Wayîrê nê welatî bindest, kedkar, cinî yê. Komêka rantgîre nîya. Weçînayîşê 14ê gulane seba qedînayîşê mezgê faşîzmî firsendêko tarîxî yo. Coka weçînayîşanê 14ê gulane de ganî her kes dest bido destî, hêzê xo yew bikero û faşîzmê AKP-MHPyî wedarno.” BEHDÎNAN
