Mayanê Şemeyî ke hewteyê 945. yê çalakîya xo de waşt Meydanê Galatasarayî de semedê persayîşê aqibetê merdimanê xo yê ke bi destê dewlete ameyî vînîkerdene, eşkerayîye bidê no hewte zî raştê hêrişê polîsan ameyî.
Mayî pîya bi kesanê bînan verê barîyeranê polîsan de gerîyayî binê ablûqaya polîsan û dima ameyî destbendkerdene.
Sereka Konseya Merkezî ya Yewîya Tabîbanê Tirkan (TTB) Prof. Dr. Şebnem Korur Fîncanci û avûkat Meriç Eyupoglu zî no hewte tewrê çalakîyan mayan bîyî. STENBOL
