Hunermendê kurdî Şivan Perwerî derheqê weçînayîşanê 14ê gulane de ANFyî rê qisey kerd û bi rayîrê ajansê ma venga pêro kurdîstanijan da ke wa raya xo bidê Partîya Çep a Keske.
Şivan Perwerî pare kerd ke Komara Tirkîya esasê înkarê kurdan ser o ronîyay û vat: ”100 serrî yo îqtîdarê AKP-MHPyî zî polîtîkaya înkarî ano ca. Ewro Partîya Çep a Keske kewena weçînayîşî. Partîya Çep a Keske xîtabê pêro şaran kena, haştîye û wayûbiratîye pawena. Birêz Ocalanî tim seba çareserîye xîret kerd, heqê kurdan waştî. Birêz Selahattîn Demîrtaşî tim qala haştî, têdûştî û yewîye kerde. La ê zîndan de yê. Xeylêk hunermend, sîyasetmedar û nuştoxê ma zî surgun de yê. Îqtîdar vano ke ‘ez tirk a, xurt a, eşkena her çî bikera.’ Îqtîdar bi nê hawayî kurdan rê zulm kena.
Ganî ma weçînayîşan de seba pawitişê kultur û ziwanê ke raya xo bidê partîya xo Partîya Çep a Keske. Wa hînî çew raya xo nêdo partîyanê bînan. Bernameyê Partîya Çep a Keske erjanê ma pawena. Her roje Efrîn, Serêkanîyê, Kobanê û Rojawan de hêrişî yenê kerdene. Ez venga pêro kurdan dana ke 14ê gulane de paştî bidê Partîya Çep a Keske. Ganî pêro partîyê kurdan paştî bidê Çepa Keske. Seba azadîya Rayber Apoyî, sîyasetmedaran û hunermendanê ma 14ê gulane de bi îradeyê xo şorê sindoqan ser û raya xo bidê.”
