Namzedê Partîya Çep a Keske yê Stenbolî ra Sirri Sureyya Onderî derheqê weçînayîşanê 14ê gulane de ANFyî rê qisey kerd.
Onderî bale ante ser ke Partîya Çep a Keske ganî bi xurtî bikewa Meclîsî û vat: ”Seba çareserkerdişê meseleyan ganî ma sey mefte têbigêrê û ma nêverdê ke Kiliçdaroglu vera koalîsyonê raştgîrî qels bibo. Qerebalixo ke ma verî Newrozan de dîyêne nika mîtîngê qezayan de vînenê. Eleqe zaf o. Embazê ma yê surgunkerde û tepişteyî zî nê weçînayîşan de rixmê zehmetîyan înîsîyatîfî gênê û xebitîyenê.”
Ganî turê diyînî bigêrê binê garantî
Onderî îfade kerd ke beno ke AKP-MHP weçînayîşan de bin bikewo zî wina rehet îqtîdarî teslîm nêkero û vat: “Ê bi xo wazenê ke no qisey vila bibo. La ganî merdimê ma nêqerqilê. Beno ke weçînayîşê serekkomarîye turê diyînî rê bimanê. Eke wina bibo zî ma xebatanê xo rê dewam bikerê. Şarê kurdî û HDPyî seba demokratîkbîyayîş û azadîye namzedê serekkomarîye nêmojnaye. Ganî roşnvîr û demokratîkî weçînayîşê serekkomarîye de raya xo bidê Kiliçdarogluyî û seba wekîlîyan zî raya xo bidê Partîya Çep a Keske. Ma ganî turê diyînî bigêrê binê garantî û nêverdê ke raştgîrî Meclîs de bibê serdest.” ANQARA
