Sey bi desan şaristanan Mêrdîn de zî eşkera bi ke weçînayîşanê 14ê gulane de rayê Partîya Çep a Keske partîyanê cîyayan rê ameyê parekerdene. Reyna eşkera bi ke sindoqan de seba AKPyî zaf rayî nusîyayê.
Netîceya cigêrayîşan de tesbît bi ke qezaya Artukluyî de sindoqa 1012. de 111 rayê Partîya Çep a Keske sey 100 rayî qeyd bîyê û AKPyî rê herinda 85 rayan de 135 rayî qeyd bîyê. Reyna Artuklu de sindoqa 1217. de 114 rayê Partîya Çep a Keske sey 91 rayan, 96 rayê AKPyî zî sey 107 rayan û 17 rayê MHPyî zî sey 30 rayî qeyd bîyê.
Taxa Kertwane ya Nisêbînî de 171 rayê Partîya Çep a Keske MHPyî rê qeyd bîyî û Çepa Keske rê sifir nusîya.
Taxa Firatî ya Qoserî de sindoqa 1203. de 219 rayê Partîya Çep a Keske Partîya Xelisnayîşê Şarî (HKP) rê nusîyayî. MÊRDÎN
