Faruk Kiliço ke lîsteya AKPyî ra ameyo weçînayene û bîyo wekîlê Mêrdînî şi zîyaretê Qeymeqamê Nisêbînî Ercan Kayabaşiyî ke sey qeyûmî tayîrê şaredarîya qeza ameyo kerdene.
Qeymeqamîye derheqê nê zîyaretî de hesabê xo yê medyaya dîjîtale de tay fotografî vila kerdî. Fotograf de fotografê Mustafa Kemalî nêaseno. Muxabîrê Ajansê Mezopotamya (MA) Ahmet Kanbalî zî hesabê xo yê medyaya dîjîtale de Kayabaşî ra persa ke çira fotografê Mustafa Kemalî serê dêsî de nîyo.
Kayabaşiyî naye ser o pê nê qiseyan Kanbal tehdît kerd: ”Ma do nêverdê ke çew fotografê Rayberê Pîlî Mustafa Kemal Ataturkî û alaya ma ya serfîraze ne dêsan ra ne zî asmênan ra wedarnê. La merrayanê to yê koyî wextêk no ceribnabi. Netîce; tewrayê çeqerî.”
Kanbalî da zanayene ke o do gerreyê Kayabaşiyî bikero.
