32’yemîn civîna Komkara Welatên Ereb, li bajarê Cede ya erebistana Siudiyê bi tevlîbûna Serokwelatên Ereb destpêkiriye. Li gorî rojnameya Şerq Ewset di civînê de behsa têkoşîna dijî terorê hatiye kirin û Komkara Erebî hemû operasyonên ji aliyê rêxistinên terorîstî ve li welatên ereb û cihanê tên kirin, şeremzar kiriye.
Heman çavkaniyê ragihand ku Komkara Erebî di civînê de destdirêjiya dewleta tirk a dagirker ya li ser xaka Iraqê şermezar kiriye û bang li Tirkiyeyê kiriye daku bê şert hêzên xwe ji xaka Iraqê vekişîne. Herwiha bang li welatên ereb jî hatiye kirin da ku peymannameya erebî ya ji bo têkoşîna dijî terorê bi pejirînin.
Li gorî nûçeya heman rojnameyê, di civînê de zêdetirî 30 mijar tên guftugokirin, mijarên sereke jî Filistîn, qeyrana Suriye, rewşa Lubnan û dosyayê Îranê. Herwiha mijarên jîngehê, ewlekariya elektronî, aborî û dosyayên civakî tên guftugokirin.
