Hilbijartina serokkomariyê ya di 14’ê Gulanê de pêk hatin ji ber namzetên dengên têra wan bike ku serbikevin newergirtin ji tûra duyemîn re ma. Ji bo tûra duyemîn a dê 28’ê Gulanê de bê kirin li nûnertiyên derveyî welat û gumrikan deng dayîn dest pê kir. Ji aliyê Lijneya Hilbijartinê ya Bilind (YSK) ve ji bo hilbijartinên 28’ê Gulanê li 151 nûnertiyên Tirkiyeyê yên li 73 welatan li 167 noxteyan sindoq hatin danîn. Hilbijêr wê di navbera namzetê Tifaqa Cûmhûr Tayîp Erdogan û namzetê Tifaqa Milet Kemal Kiliçdaroglû de wê tercîhê bike.
Dengdayîna li nûnertiyên derveyî welat wê heta 24’ê gulanê berdewam bike. Kesên dixwazin ji bilî nûnertiyan li gumrikan deng bidin jî dikarin heta 28’ê Gulanê saet di 17.00’an de deng bidin. Dengdayîna nûnertiyên derve, di navbera dîrokên ji bo wê nûnertiyê hatine îlankirin de nava hefte û dawiya hefteyê di navbera saet 09.00 û 21.00’an de li bajarên girêdayî konsolxaneyan jî bi saeta herêmî di navbera saet 09.00 û 18.00’an de dikare bê kirin. Hilbijêrên derveyî welat, dikarin li her nûnertiyeke hatiye diyarkirin an jî li her gumrikê deng bidin. Ji bo vê dengdayînê hewcehî bi randevû girtinê nîne.
