Tevgera Jinên Azad (TJA) derbarê hilbijartina serokkomariyê ya ku dê di 28’ê Gulanê de pêk bê de daxûyaniyeke nivîskî da.
Di daxûyaniyê de wiha hat gotin:
“Serhildana mêtingeriya herî kevn; îro bi taybetî li Kurdistan û Tirkiyeyê li hemû cihanê veguheriye şoreşeke azadiyê ya li dijî faşîzmê. Em wek jinên kurd; helbet hay jê hene ku mezinkirina têkoşîna xwe ya ku em li hember faşîzmê ji bo jiyanek azad û cihanek azad dimeşînin, hêza herî mezin e ku wê şert û mercên faşîzmê têk bibe ye. Li ser vê bingehê jî em dê li hember feraseta mêrê tekparêz, dijraber û olperest ku em bi dirûşma ‘Em dê bi jinan re bi hev re biguherînin’ ketine rê bi îsrar mezinkirina têkoşînê, dabînkirina azadiya xwe bidomînin û em dê teqez rizgariya xwe bidest bixin!
Hêza herî mezin a ku di 14’yê Gulanê de pergala “tekmêriyê” ku weke nûnerê herî mezin ê aqlê faşîst û desthilatdariya mêr a netewe-dewletî ya sed salî dixwaze xwe bighîne duyemîn sedsaliya komarê dahiye rawestandin; hêza birêxistinî û îradeya azadî ya jinan bûye. Weke TJA, em di wê baweriyê de ne ku ev hêza rêxistinkirî ya jinan, kevneşopiyên wan ên berxwedanê û cehda têkoşînê; dê vê faşîzma ku dijminê jinan e careke din birûxîne.
Bi hişmendiya ku şandina vê desthilatiyê ku di halê desthilatiya şerî de ye, di serî de azadiya jinan di rêya azadiya civakî de diviyatî û berpirsyariyek e; bê ku li hember hîle, dek û dolaban bêzar bimînin, baweriya me di hêla xerakirina van hîle û lîstikan de ye ku em dê li mal, kolan, qadan û di sindoqan de, di her qada jiyana civakî û di her kêliyê de biryardariya xwe nîşan bidin.
Divê baş bê zanîn ku em jin; bi baweriya xwe ya têkoşîna azadiya jinan, gelan, ciwanan, nasname û baweriyan em dê destûrê nedin ku ev pergala riziyayî û genîbûyî ya “tekmêrî” berdewam bike. Em dê hêviya xwe, siberoja xwe û azadiya xwe radestî zordarî û faşîzmê nekin.
Bi vê hincetê em hemû jinan û hêzên demokradiyê ku di 14’ê Gulanê de desthilatiya bloka faşîst a AKP-MHP-HUDAPAR’ê ku çavkaniya xwe ya îdeolojîk ji dijminatiya jinan digire û pergala “tekmêrbûyî” ya vê desthilatdariyê dan rawestandin careke din silav dikin.
Weke TJA’yê di serî de jinên kurd, em hemû jinan, aktîvîstan, rêxistinên femînîst, ciwan û hemû beşên civakê yên ku aştî, azadî û demokrasiyê dixwazin vedixwînin ji bo faşîzma ku me di 14’ê Gulanê de rawestand di 28’ê Gulanê de bi paş ve bixînin û azadiya civakî ji nû ve ava bikin.”
